4 myń sharshy metrden astam jolǵa shý jolaqtary qoıylady.
Jol jabynynda qysqy kezeń men kóktemgi sý tasqynynan keıin paıda bolǵan aqaýlardy joıýǵa baǵyttalǵan keshendi baǵdarlama bekitildi, dep habarlaıdy Almaty-akshamy.kz IIDM baspasóz qyzmetine silteme jasap.
Onyń aıasyndaǵy jumystar kólik quraldarynyń qaýipsiz jáne úzdiksiz qozǵalysyn qamtamasyz etpek. Baǵdarlama sheńberinde el joldarynyń boıynda 11500-ge jýyq jol belgisi men shaqyrymdyq belginiń 2500-den astamy, 683 aqparattyq panno, sondaı-aq 28 myń dabyl baǵanasy ornatylmaq.
Budan bólek, respýblıkalyq mańyzy bar joldardyń 600 myń sharshy metrine aǵymdyq jóndeý júrgizý josparlanýda. Atap aıtqanda, shuńqyrlardy jóndeý (474 myń sharshy metr), joldy tegisteý (93 myń sharshy metr), boılyq jáne kóldeneń deformasıalyq jikterdi joıý (6 284 myń p.m).
Sondaı-aq, 672 myń sharshy metr jolda jaryqtardy quıý iske asyrylmaq. Sonymen qatar, 4 myń sharshy metrden astam jolǵa shý jolaqtary ornatylady. Budan bólek, shamamen 406 jol býferi, 141 myńnan astam katafot jáne 32 jaryq dıodty jol belgisi qoıylmaq.
Respýblıkalyq joldarda, sondaı-aq, 63 myń metrge qorshaýlar men avtomobıl pavılondary men demalys alańdarynyń 168 birligin qurý jáne jóndeý josparlanýda. Jalpy, jol jóndeýshiler bıyl 15 baǵytty qamtıtyn bolady.