15 qarashada Qazaqstannyń ulttyq valútasyna 30 jyl tolady.
Ataýly merekege oraı Ulttyq bank "TEŃGEGE 30 JYL" koleksıalyq monetalaryn aınalymǵa shyǵarady, - dep habarlaıdy Almaty-akshamy.kz. Ulttyq banktiń baspasóz qyzmetine silteme jasap.
"TEŃGEGE 30 JYL" monetasynyń dızaıny "₸" teńge belgisin paıdalaný arqyly jasalǵan. Belginiń sol jaǵyndaǵy oıý-órnek damý men órkendeýdi, sondaı-aq, ulttyq bolmys pen naqyshty bildiredi. "TEŃGEGE 30 JYL" koleksıalyq monetalary kúmisten jasalǵan, synamasy - 925/1000, ón boıynda tantal da bar. Moneta dıametri - 50 mm, daıyndaý sapasy - proof, nomınaly - 1 000 teńgelik, taralymy - 300 dana. Monetanyń jalpy massasy - 84,32 gram", - delingen Ulttyq bank málimetinde.
Ulttyq bank málimetine súıenetin bolsaq, koleksıalyq monetalar Qazaqstannyń búkil aýmaǵynda belgilengen qunyna saı tólemniń barlyq túri boıynsha qabyldanady, sondaı-aq, eldiń barlyq bankinde bank shottaryna esepke alynady, aýdarylady, usaqtalady, aıyrbastalady.
Koleksıalyq monetalar Qazaqstan Teńge saraıynda daıyndalǵan.