«Shoqan Ýálıhanov» atyndaǵy alańda qazaqtyń kórnekti saıası qaıratkeri, aǵartýshy-pedagog Ahmet Baıtursynulynyń 150 jyldyǵyna arnalǵan «Ult ustazy – Ahmet Baıtursynuly oqýlary» atty is-shara ótti.
Uly qoǵam qaıratkeriniń mereıtoılyq jylyn toılaý aıasynda jalpy bilim beretin mektepterdiń oqýshylary, «Jańa ǵasyr» teatrynyń ártisteri, ǵylym doktorlary, fılologıa ǵylymy kandıdattarynyń qatysýymen sahnada Ahmet Baıtursynulynyń shyǵarmalarynan ádebı qoıylym sahnalandy. Sondaı-aq zertteýshi ǵalymdar quttyqtaý sóz sóılep, áýeleı shyrqalǵan halyq áni «Eki jırendi» tyńdady.
A.Baıtursynulynyń óleńderi oqylyp, "Alataý" dástúrli óner teatrynyń solısi «Aqqum» ánin oryndady.Ahmet Baıtursynov – qazaq aqyny, ádebıettanýshy, túrkitanýshy, pýblısıs, ustaz, aýdarmashy, qoǵam qaıratkeri. Qazaq tili men ádebıetiniń damýyna ólsheýsiz úles qosty. 20 ǵasyrdyń basyndaǵy Alash Orda qozǵalysynyń qoǵamdyq ómiri men qyzmetine belsene qatysty. Onyń qurmetine Almaty qalasynda Baıtursynulynyń murajaı-úıi men eskertkishi ashylǵan.
Sharaǵa belgili tarıhshylar, alashtanýshylar, fılologtar, sondaı-aq BAQ ókilderi qatysty.