Almatyda Qazaqstannyń Halyq jazýshysy Sherhan Murtazany eske alýǵa arnalǵan buqaralyq aqparat quraldarynyń ókilderi arasynda bılárdtan týrnır ótti. İs-sharany Óńirlik komýnıkasıalar qyzmeti uıymdastyrdy. Sherhan Murtaza – Qazaqstannyń naǵyz halyq jazýshysy. Bolashaq prozashy, jýrnalıs Jambyl oblysynda 1932 jyly 28 qyrkúıekte dúnıege kelgen. Sonymen qatar, elge tanymal basylymdardyń redaktory bolǵan, kóptegen jýrnalıserdi tárbıelegen, Parlament Májilisiniń depýtaty bolǵan.
İs-sharaǵa Sherhan Murtazanyń muragerleri qatysty. Olardyń árqaısysy jazýshynyń jumysy men jetistikteri týraly jyly lebizin aıtty.
Ál-Farabı atyndaǵy QazUÝ jýrnalısıka fakúltetiniń profesory Aıazbı Beısenqulov jazýshyny eske alyp, ony qazaq ádebıetiniń maıtalmany dep atady.
«Onyń shyǵarmalary ashyq, shynaıy jáne tańqalarlyq ómirlik. Ol Otan týraly, otbasyndaǵy qarym-qatynas, jerlesteriniń eńbek ómiri týraly áńgimelep berdi», - dep atap ótti profesor.
Eske salsaq, sporttyq mereke Almaty ákimdiginiń Qoǵamdyq damý basqarmasy men Óńirlik komýnıkasıalar qyzmetiniń qoldaýymen ótti.
Osydan eki apta buryn ÓKQ BAQ arasynda fýtboldan týrnır ótkizse, endi bılárd boıynsha qyzyqty týrnır ótkizip, ardagerlerdi de, jýrnalıserdi de belsendi ómirge tartýda.
Týrnır «dınamıkalyq pıramıda» qaǵıdaty boıynsha dostyq qarym-qatynasta ótti. Barlyq qatysýshylar qolynda mıkrofondy ǵana emes, kııdi de kásibı túrde ustaı alatynyn kórsetti. Ár redaksıaǵa eki oıynshy qatysty.
Birneshe saǵat boıy erkin dostyq jaǵdaıda qyzý shaıqastar jalǵasty, týrnırge qatysýshylardyń qumarlyqtary men tájirıbeleri qaınap, alǵashqy úsh júldeli orynnyń ıntrıgasy sońyna deıin saqtaldy.
Qorytyndylaý kezinde oryndar kelesideı bólindi:
I oryn egeri "Qazaq radıolary"
II oryn egeri "Almaty" telekanaly
III oryn egeri Tengrinews