2024 NX1 dep atalatyn úlken asteroıd 24 jeltoqsanǵa qaraǵan túni Jerdiń janynan ushyp ótedi, dep habarlaıdy aqshamnews.kz
Daily Mail basylymynyń jazýynsha, 10 qabatty úıdiń kólemindeı ǵaryshtyq obekt Jerden shamamen 7,21 mıllıon shaqyrym qashyqtyqta saǵatyna 23 myń shaqyrym jyldamdyqpen ótedi.
NASA asteroıdtardy baqylaý paneliniń málimetteri boıynsha, bul dene Jerge eń jaqyn núktesine 24 jeltoqsan kúni Grınvıch ýaqytymen 02:56-da jetedi. Mamandar onyń dıametrin 29-dan 70 metrge deıin dep baǵalap otyr. Mundaı ólshem asteroıdtyń 12 mıllıon tonna trotılge teń joıqyn kúshke ıe ekenin kórsetedi.
Koróldik Grınvıch observatorıasynyń astronomy Djess Lıdiń aıtýynsha, asteroıd Jerden shamamen 18 ese alysyraq qashyqtyqta ótedi. Bul Jerge soǵylý qaýpin tolyǵymen joqqa shyǵarady.
Sonymen qatar, sarapshylardyń aıtýynsha, eger gıpotetıkalyq túrde asteroıd Jermen soqtyǵysatyn bolsa, ol 2 myń sharshy shaqyrym aýmaqty tolyqtaı joıyp jiberer edi. Salystyrý úshin ǵalymdar 1908 jyly Sibirge túsken Týngýs meteorıtiniń shamamen osyndaı ólshemde bolǵanyn atap ótti.