Mask Dýrovtyń jetistigin joǵary baǵalady
Amerıkandyq kásipker Ilon Mask Telegram negizin qalaýshy Pavel Dýrovtyń messendjerdegi rekordtyq jetistigin maqtady.
«Keremet jumys», – dep jazdy mıllıarder X áleýmettik jelisindegi paraqshasynda.
Dýrov 2024 jyldyń Telegram úshin tarıhı jyl bolǵanyn málimdedi: monetızasıa baǵdarlamasy iske qosylǵannan keıin úsh jyl ishinde servıs alǵash ret paıdaǵa shyqty.
2024 jyly messendjerdiń jalpy tabysy bir mıllıard dollardan asty. Telegram Premium aqyly jazylymyn paıdalanýshylar sany úsh ese ósip, 12 mıllıonǵa jetti. Sonymen qatar, Dýrov jarnama tabysynyń birneshe ese artqanyn aıtyp, jyldyń 500 mıllıon dollardan astam aqshalaı rezervpen aıaqtalǵanyn jetkizdi.
Dýrov Telegram-dy monetızasıalaý bastamasyn 2020 jyldyń sońynda jarıalaǵan edi. Bul sheshimniń sebebi retinde qoldanýshylar sanynyń kóbeıýine baılanysty messendjerdi qyzmet kórsetý shyǵyndarynyń ósýin atady. Monetızasıa baǵdarlamasy 2021 jyly iske qosylǵan bolatyn.