Shahar basshysy Baqytjan Saǵyntaev Akimat LIVE baǵdarlamasynda qala turǵyndarynyń suraqtaryna jaýap berdi
Megapolıs ákimi Baqytjan Saǵyntaev «Almaty» TA-daǵy Akimat LIVE baǵdarlamasynyń tikeleı efırinde qala turǵyndarynyń suraqtaryna jaýap bere otyryp, qoǵamdyq keńistikterdi abattandyrý týraly aıtty, dep habarlaıdy almaty-akshamy.kz
Selden qorǵaý bógetinen ál-Farabı dańǵylyna deıin jáne odan ári Abaı dańǵylyna deıin Úlken Almaty (Úlken Almaty) ózeniniń sý qorǵaý beldeýi men arnasyn rekonstrýksıalaýdy taıaý jyldary júrgizý josparlanýda.
2021 jyly 25 qoǵamdyq aımaqtar boıynsha jumystar júredi: Almaly aýdanynda – 5, Áýezov aýdanynda – 4, Alataý aýdanynda – 3, Bostandyq aýdanynda – 3, Jetisý aýdanynda – 5, Medeý aýdanynda – 1, Naýryzbaı aýdanynda – 3, Túrksib aýdanynda – 1. Sondaı-aq Jasyl ekonomıka basqarmasy 8 aımaqta jumys júrgizedi.
Jalpy 2 jyl ishinde 84 nysan abattandyryldy. Ótken jyly «Qarasý» shaǵyn aýdanda jańa rekreasıalyq aımaqtyń qurylysy júrgizildi. «Jeltoqsan», «Drýjba» saıabaqtary, «Jetisý-3» shaǵyn aýdanyndaǵy skver, «Iýjnyı» saıabaǵy abattandyryldy.
2021 jyly «Maıak» toǵaıy, «Kókmaısa» shaǵyn aýdandaǵy «Esentaı» ózeni arnasynyń jaǵalaýy, Taýly qyrat shaǵyn aýdanyndaǵy ýchaske abattandyryldy, Qasteev murajaı aýmaǵyndaǵy fontan kúrdeli jóndeldi, Abaı atyndaǵy UATOB mańyndaǵy skver, «Terenkýr» jáne «Jarbulaq», «Tiksaı» ózenderiniń arnalary abattandyryldy.
Baıseıitova kóshesinińboıyndaǵy jaıaý júrginshiler (Jambyl kóshesinen Sátbaev kóshesine deıin) aımaǵyn, Qazaq-Brıtan tehnıkalyq ýnıversıtetiniń saıabaǵyn abattandyrý jáne kógaldandyrý josparlanýda.