Megapolıs ákimi Baqytjan Saǵyntaev qala turǵyndarynyń suraqtaryna jaýap bere otyryp, jyldar boıyna asfált bolmaǵan shaǵynaýdandarda joldardy salý men jóndeýdiń aýqymy týraly aıtyp berdi, dep habarlaıdy almaty-akshamy.kz
«Almaty» telearnasyndaǵy Akimat LIVE baǵdarlamasynyń tikeleı efıri kezinde "Quramys" shaǵynaýdannyń turǵyny ol turatyn kóshedegi joldyń qashan jasalatynyn surady. B.Saǵyntaev atalǵan shaǵynaýdanda búgingi tańda 27 kósheniń 23-i asfálttalǵanyn habarlady. Uzyndyǵy 4,9 shaqyrym bolatyn barlyq kóshelerdi asfálttaýdy aldaǵy aıda aıaqtaý josparlanyp otyr.
Bıyl Almatyda 9 shaǵynaýdandaǵy 341 kóshede 93 shaqyrym jol salynyp, kúrdeli jóndeýden ótedi. Qazirgi ýaqytta 6 shaǵynaýdanda jol jóndeý jumystary aıaqtalǵan, olar – "Shańyraq-5", "Nurshashqan", "Samǵaý", "Álmerek", "Qaırat", "Ójet". "Alǵabas" shaǵynaýdanynda jospar boıynsha 6 shaqyrym joldyń ornyna 6,8 shaqyrym jol asfálttaldy. Eki shaǵynaýdanda – "Quramys" jáne "Dýmanda" jóndeý jumystaryn qarasha aıynda aıaqtaý josparlanýda.
Budan ózge, bıyl uzyndyǵy 201,1 shaqyrym bolatyn 206 kóshege ortasha jóndeý jumystary júrgizilýde. Ótken jyly uzyndyǵy 219,1 shaqyrym bolatyn 324 kóshe qamtyldy, qazirgi kezde uzyndyǵy 185,5 shaqyrym bolatyn 197 kóshede jumystar aıaqtaldy, qalǵan 9 kóshe boıynsha jumystardy qazan aıynyń sońyna deıin aıaqtaý josparlanýda.
Sonymen qatar, jalpy aýdany 214 myń sharshy metr joldarda shuńqyrlardy jóndeý júrgizildi, 1 247 lúk tegisteldi. Jumystarǵa 4 merdigerlik uıym, 12 brıgada, 96 jumysshy, 28 arnaıy tehnıka jumyldyryldy. 31 shaqyrym trotýar, 65 aıaldama alańy jóndeldi.