Qala ákimi Baqytjan Saǵyntaev «Almaty» TA-daǵy Akimat LIVE baǵdarlamasynyń tikeleı efıri barysynda ujymdyq ımýnıtettiń ósýi úshin jappaı vaksınalanýdyń basty ról atqaratynyn aıtty, dep habarlaıdy almaty-akshamy.kz
Almaty qalasynda KVI boıynsha epıdemıologıalyq ahýal 20 qazannan bastap 300-den kem jaǵdaıdy tirkeı otyryp, optımısik boljam boıynsha damýda.
Pandemıa bastalǵannan beri Almatyda KVI-diń 177,2 myń jaǵdaıy tirkeldi, aǵymdaǵy jyldyń basynan beri – 158,7 myń adam. Derttiń aptalyq kórsetkishi 100 myń turǵynǵa shaqqanda bir apta burynǵy 113,9-dan 89,5-ke deıin jáne táýliktik ósim 0,2-den 0,14-ke deıin tómendeýde. Onyń ústine, ınfeksıanyń berilý ındeksi 0,98-den 0,88-ge deıin azaıady.
Aldyn ala júrgizilgen profılaktıkalyq sharalar KVI dertiniń tómendeýine yqpal etti. Eń basty tıimdi shara – jappaı vaksınalaný, sonyń arqasynda ujymdyq ımýnıtettiń artýy baıqalady. Búgingi kúni ol resmı tirkelgen halyq sanynyń 54,4%-yn quraıdy. Halyqtyń resmı sanynyń 46,5%-y eki komponentpen vaksınalandy, al jyl basynan beri aýyryp jazylǵan adamdardyń 7,9%-y ekpe saldyrdy.
26 qazanda qalada koronavırýstyq ınfeksıanyń 230 oqıǵasy tirkeldi, onyń ishinde 222-y sımptomdy jaǵdaı. Infeksıalyq stasıonarlarda 1056 adam (28 bala) jatyr, onyń ishinde 52-siniń jaǵdaıy óte aýyr, 501-i aýyr, 502-si ortasha aýyr jaǵdaıda. ORIT-te 106 pasıent bar. ÓJJ apparatynda – 24, ınvazıvti emes ÓJJ apparatynda – 47, High flow - 27 apparaty qoldanysta.