Ulybrıtanıada ótip jatqan tenısten Ýımbldon–2023 týrnıriniń úshinshi aınalymynda elimizdiń birinshi raketkasy Elena Rybakına jeńiske jetti.
Elena Rybakına 1/8 fınaldaǵy básekesin ótkizip, shırek fınalǵa ótti, dep habarlaıdy Almaty-akshamy.kz.
Onyń qarsylasy – WTA álemdik reıtıńinde 13-orynda turǵan brazılıalyq Beatrıs Haddad-Maııa oıyndy sońyna deıin jetkize almady. Machtyń tórtinshi oıynynan keıin Beatrıs densaýlyǵy syr bergenin aıtyp, medısınalyq úzilis aldy. Fızıoterapevtiń tekserisinen keıin oıyndy jalǵastyrýǵa tyrysyp baqty.
«Beatrıs kózine jas aldy, oıyndy jalǵastyryp jatyr. Jeńis úshin sońyna deıin kúresýde», – dedi tikeleı efırde mach kommentatory.
Alaıda bul sońǵy geım boldy, 4:1 esebimen jeńis qazaqstandyq sportshynyń paıdasyna tıdi. E.Rybakına úshin brazılıalyq tenısshi óte qolaısyz qarsylas edi. Bul eki tenısshi bıyl qos kezdesý ótkizgen edi. Abý-Dabıdegi (BAÁ) jarysta Beatrıs úsh partıada basym tústi: 3:6, 6:3, 6:2, al Shtýtgarttaǵy (Germanıa) dodada qazaqstandyq sportshy 6:1, 3:1 esebimen basym turǵanda, básekeni jalǵastyrýdan bas tartty. Álemdik BAQ ókilderi osy kórsetkishterdi alǵa tartyp, Haddad-Maııaǵa jeńis tilegen edi. Dese de, qazaqstandyq sportshynyń joly boldy.