Jalpy sany alty jolaq bolatyn aqyly avtomobıl trassasynda saǵatyna 120 shaqyrymmen júrýge ruqsat etilgen.
Almatynyń Óńirlik komýnıkasıalar qyzmetiniń alańynda Qazaqstan Respýblıkasy Indýstrıa jáne ınfraqurylymdyq damý mınıstrligi Avtomobıl joldary komıteti basshylyǵynyń qatysýymen brıfıń ótti, dep habarlaıdy Almaty-akshamy.kz
Indýstrıa jáne ınfraqurylymdyq damý mınıstrliginiń Avtomobıl joldary komıteti Tóraǵasynyń orynbasary Jambyl Baqtıar habarlaǵandaı, aǵymdaǵy jyldyń ekinshi jartyjyldyǵynda Úlken Almaty aınalma avtomobıl jolyn (ÚAAAJ) paıdalanýǵa berý josparlanýda. Uzyndyǵy 66 shaqyrymǵa sozylǵan úsh jolaqty I-A sanatty jol, qarama-qarsy baǵytta da solaı qarastyrylǵan. Jalpy sany alty jolaq bolatyn aqyly avtomobıl trassasynda saǵatyna 120 shaqyrymmen júrýge ruqsat etilgen.
"ÚAAAJ-ynda aqy alýdyń ashyq júıesi qarastyrylǵan. Iaǵnı, bul júıe aınalma jolda shyǵar kezde jáne kireberisinde shlagbaým qoıýdy qajet etpeıdi", - dedi ol.
Aıta keteıik, Úlken Almaty aınalma avtomobıl jobasy konsesıa mehanızmine sáıkes júzege asyrylýda. Bul degenimiz, bir Tarap ekinshi Tarapqa obektilerdi paıdalaný nemese salý quqyǵyn beretin kelisim. Konsesıa ádette memleketter men kompanıalar arasynda jasalady jáne belgili bir sharttar men merzimderge ıe.
Konsessıonerdiń paıdalaný merzimi - 15 jyl.
Konsessıoner «ÚAAAJ Investısıalar jáne operasıalar» JSHS bolyp tabylady, onyń quryltaıshylary «Alsım Alarko-Makıol – SK Ekoplant – Koreıa Ekspressveı» túrik – koreı konsorsıýmy bolyp tabylady.
Jambyl Baqtıar jobanyń qolaılyǵy men artyqshylyqtaryn atap ótti:
- Almatyda jáne qala mańyndaǵy keptelisterdi azaıtý: ÚAAAJ negizgi magıstraldardy bosatý jáne jol jelisiniń ótkizý qabiletin jaqsartý arqyly Almaty qalasyndaǵy kólik aǵynyn qysqartýǵa múmkindik beredi. Bul óz kezeginde keptelisterdi azaıtyp, jergilikti turǵyndar men qala qonaqtary úshin kólik qoljetimdiligin jaqsartady.
- Jol júrý ýaqytyn qysqartý: ÚAAAJ qalany aınalyp ótý ýaqytyn qysqartýǵa múmkindik beretin keptelisi az balama marshrýtyn usynady. Sondaı-aq, aýyr júk kólikteri júkterdi tasymaldaý kezinde ýaqytyn únemdep, jumys tıimdiligin arttyra alady.
- Ekologıalyq artyqshylyqtar: Kólik aǵynyn Almaty qalasynan tysqary jerlerge kóshirý arqyly ÚAAAJ atmosferaǵa zıandy shyǵaryndylardyń mólsherin azaıtyp, qala men onyń tóńiregindegi ekologıalyq jaǵdaıǵa oń áserin tıgizbek.
«BAKAD Investısıı ı Operasıı» JSHS-niń paıdalaný jáne tehnıkalyq qyzmet kórsetý bóliminiń basshysy Nurlanbek Ómirbaev ÚAAAJ qurylysy barysynda joǵary sapaly jabynǵa qol jetkizý úshin asfáltobeton tóseýdiń zamanaýı tehnologıalary men ádisteri qoldanylatynyn atap ótti. Sapany baqylaý qurylystyń ártúrli kezeńderinde júzege asyryldy, onyń ishinde materıaldardy irikteý, joldyń negizin daıyndaý jáne asfáltobeton tóseý kiredi.
"Jol qurylysyna joǵarǵy sapaly materıaldar men júk kólikteriniń salmaǵyn esh qıyndyqsyz kótere alatyn asfált jabyndylary qoldanyldy. Bul avtomobılderdiń tozýyn azaıtýǵa jáne olardy ońaı basqarýyna kómektesedi.", - dedi ÓKQ spıkeri.
Bul avtomobılderdiń tozýyn azaıtýǵa jáne olardy ońaı basqarýyna kómektesedi. Sonymen qatar, jabyn temperatýranyń ózgerýimen jáne ylǵaldyń áserimen jaqsy jumys isteıdi, bul joldyń ártúrli klımattyq jaǵdaılarda turaqty jáne qaýipsiz júrýine múmkindik beredi.
Mınıstrlik ókilderi qarqyndy qozǵalysty eskere otyryp, jabynnyń joǵarǵy qabaty modıfıkasıalanǵan bıtým polımerin qoldana otyryp, qıyrshyq tasty-mastıkalyq asfáltobetonnan turady. Jol júk kólikteriniń ótýine baılanysty joǵary júktemelerdi eskere otyryp jasalǵan.