Tyıym salynǵan jáne tasymaldaýǵa shekteý qoıylǵan taýarlar jiti baqylanady.
Memlekettik kirister komıtetiniń habarlaýynsha, bul dárilik preparattar salmaǵy 92,5 kg 2923 paket mólsherindegi bıologıalyq belsendi qospa retinde málimdelgen.
«Sonymen qatar kedendik saraptamanyń nátıjesinde málimdelgen bıologıalyq belsendi qospalar tabletkalar men ampýlalar túrinde oralǵan, QR aýmaǵynda eksporty men ımporty shekteýli sanalatyn kúshti anabolıkalyq steroıdter ekeni anyqtaldy», - delingen habarlamada.
Osy fakti boıynsha materıaldar is júrgizý sheshimin qabyldaý úshin Almaty qalasy boıynsha Ekonomıkalyq tergeý departamentine jiberildi.
Almaty qalasy boıynsha Memlekettik kirister departamenti tyıym salynǵan jáne tasymaldaýy shektelgen taýarlardyń, onyń ishinde áskerı jáne qosarly maqsattaǵy taýarlardyń ótkizilýine turaqty negizde baqylaý júrgizetinin eske salady.