Búginde Qazaqstannyń bastapqy turǵyn úı naryǵynda qurylys kompanıalary azamattarǵa úlesker ataný arqyly páter satyp alýdy jıi usynady. Degenmen, bul jerde kóptegen másele bar: keıde úleskerler óz quqyqtaryn bilmegendikten aldanyp, jańylysyp jatady. Sondyqtan yqtımal táýekelderdi joıý úshin bolashaq satyp alýshylarǵa qurylys kompanıalaryna qoıylatyn negizgi talaptardy bilý mańyzdy.
Keıbir kompanıalar bolashaq úleskerlerge brondaý shartyn, aldyn ala satyp alý-satý, ınvestısıalaý jáne basqa da uqsas qujattarǵa qol qoıýdy usynady. Biraq, sodan keıin olar dereý tólem jasaýdy talap etedi. Al, bolashaq satyp alýshylar kóbinese qurylys uıymdary tarapynan mundaı sharttarmen kelisedi, óıtkeni olardy turǵyn úıdiń salystyrmaly túrde tómen baǵasy qyzyqtyrady.
Esterińizge salsaq, Qazaqstanda qurylys satysynda turǵyn úıdi satýǵa bekitilgen standartty nysandaǵy úlestik qatysý shartyn jasaý arqyly ǵana ruqsat etilgen.
Óz kezeginde mundaı kelisimshartty jasaý jáne zańǵa sáıkes úleskerlerdiń qarajatyn tartý qurylys salýshyda jergilikti ákimdiktiń tıisti ruqsaty nemese «Qazaqstan turǵyn úı kompanıasy» AQ (QJK) kepildigi bolǵan jaǵdaıda ǵana múmkin bolady. Al qurylys salýshy bul qujattardy bolashaq aksıonerge usynýǵa mindetti.
Azamattar qaı qurylys kompanıasy úleskerlikti usyna alatyny jaıly qosymsha aqparatty «Abaı oblysynyń baqylaý basqarmasy (MSQB, eńbek ınspeksıasy)» MM-nen Semeı qalasy, Posmakova kóshesi, 104 úı nemese 8 (7222) 38-00-53, 8 (7222) 38-00-54 nómiri (instagram: baqylau_basqarmasy) arqyly bile alasyzdar.