Jańartylǵan mazmunda bilim berý júıesi-oqýshynyń ózdiginen damýyna, ózin-ózi jetildirýine yqpalyn tıgizetin baǵdarlama. Balalardyń bilim alýyna qolaıly orta týǵyzý-muǵalim sheberliginiń kórinisi. Muǵalim únemi izdeniste bolǵan jaǵdaıda jańalyqqa toly ınovasıaly, san túrli belsendi oqytýdyń ádis-tásilderin meńgere alady. Búginginiń talaby oqytýshy jańalyqqa jany qumar bolý kerek degen sóz.
Almaty qalasy, Jetisý aýdanyna qarasty №177 jalpy bilim beretin mektepte quzirettilik ortalyǵynyń «Pedagogıkalyq sheberlik» baǵyty boıynsha «Jańa ınovasıalyq ádis-tásilder arqyly pedagogtyń kásibı sheberligin shyńdaý» atty taqyrypta Qazaqstan Respýblıkasynyń Bilim jáne Ǵylym mınıstrliginiń buıryǵymen bekitilgen «Jol kartasy» boıynsha aýdan kóleminde jetekshi mektep dep tanylyp, osy baǵytta alǵashqy jumys jospary júzege asyrylyp, aýdandyq semınar ótkizildi.
Mektepterdegi kásibı baıqaýlardyń jeńimpazdary men ozyq tájirıbeli ustazdardyń is-tájirıbesin tarata otyryp, basqa muǵalimderdiń qosymsha óz bilimderin tolyqtyrýyna jaǵdaı jasaý, sheber, kreatıvti muǵalimder tobynan shyǵarmashylyq top qurý, tájirıbe almasa otyryp, basqa da muǵalimderdiń talapqa saı, ınovasıaly oqý úderisin meńgergen oqytýshylar qaýymyn qurý, birlese jumys jasaý maqsatyndaǵy semınar boldy. Aýdan kóleminde jetekshi mektep dep tanylǵan shyǵarmashylyq toptyń negizigi mindetteri - shyǵarmashylyq top qurý, tájirıbe taratý, túrli baıqaýlardyń jeńimpazy bolý, basqa mekteptermen birlese jumys jasaý jáne kásibı sheberlikti arttyrý baǵytynda bolyp, alǵashqy jumys jospary júzege asyrylýy joǵary deńgeıde ótti.
Semınardyń ashylýy “Mektep - bilimniń bastaýy” atty mektep jaıly beınerolıkti kórýden bastalyp, mektebimizdiń mereıin ústem etetin ustazdarymyzdyń kásibı jetistikteri aıtyldy. Semınarǵa aýdannan seksenge jýyq muǵalimder kelip, mekteptiń tájirıbeli muǵalimderiniń semınar-koýchıng sabaqtaryna qatysyp, semınardan alǵan keremet áserlerimen bólisip, pikirlerin bildirdi. Mektep dırektory Tanatov Tursyn Tanatuly: «Bul joba kásibı ustazdardyń basyn qosatyn, konkýrstardyń jeńimpazy bolýǵa , óziniń tájirıbesin tarata biletin, óz jańalyǵymen bólisetin múmkindik berip túr. Aýdanaralyq muǵalimder bir-birimen tájirıbe almasyp, kókeılerinde tunyp turǵan jańashyldyqtarymen bólisetin baǵyttaǵy jumystyń bastamasy»,-dep bul jobanyń maqsat, mindetterimen tanystyryp, mektep jaıly biraz aqparattarǵa toqtalyp, keshendi jumys júrgizilip jatqandyǵyn aıtty.
Mekteptiń maqtanyshy bolatyn, jetistiktermen tanystyryp, qonaq bolyp kelgen áriptester tórtke bólinip, túrli sabaqtarǵa qatysty. Sabaqtar tómendegideı taqyryptarda júrgizildi. Semınarda «Bizben birge brend ustaz bol» atty taqyrypta matematıka pániniń muǵalimi Adılbekov Almaz Mýratovıch, fızıka pániniń muǵalimi Ábdirásil Saıan Jaqypuly, tarıh pániniń muǵalimi Seısenbek Baýyrjan Bekbolatuly óz tájirıbelerimen bólisti. Qazirgi kúnde muǵalim mamandyǵy taptyrmas mamandyq bolýymen qatar, onyń brendke aınalýyna ózi sebepshi bola alatyndyǵyn, ınovasıaly túrli platformalardy tıimdi paıdalana otyryp, pánge degen qyzyǵýshylyqty arttyryp, muǵalim jumysyn tıtteı de bolsa jeńildetýge jaǵdaı jasaý jolyn qarastyrdy.
«Oqýshylardyń fýnksıonaldy saýattylyǵyn damytýda ınovasıalyq ádis-tásilderdiń tıimdiligi» degen taqyrypta bastaýysh synyp muǵalimderi - Jýmaeva Nýrgýl Orazovna men Baıtýleeva Naǵıma Madıarbekqyzy, oqý, matematıkalyq jáne jaratylystaný saýattylyǵy boıynsha oqýshy bilimin arttyrýǵa baılanysty oqytýdyń belsendi ádis tásilderin sıfrly jáne VR, AR beınelerdi kórsetý arqyly shynaıylyqty kórýge jeteleıtin tapsyrmalar men dáıekti aqparat berdi.
«Ulttyq qundylyqtardy oqytý daǵdysynda qoldanýdyń tıimdi joldary» atty taqyrypta aǵylshyn tili páni muǵalimderi - Igılıkova Nýrsýlý Zeınegabylovna men Karımova Merýert Kadrtaevna, qazirgi kúnde ózekti bolyp otyrǵan ulttyq qundylyq máselesin kez kelgen bilimmen ushtastyrýǵa bolatyndyǵyn ár túrli tásilder arqyly kórsetti.
«Oqýshylardy 4K daǵdylaryn damytýdyń tıimdi ádisteri» atty taqyrypta qazaq tili men ádebıeti páni muǵalimderi - Sakeeva Gýlhan Jamanbaevna men Kýrymbaeva Janar Temırhanovna oqýshynyń jan-jaqty qabileti men daryndylyǵyn ashýda kreatıvti, qarym –qatynasqa túse alyp óz oıyn bildire alatyn, toptyq ta, juptyq ta jumys jasaı biletin oqýshyny qalyptastyrýdyń tıimdi jáne qundy tájirıbelerimen bólisti
«Muǵalimniń kásibı brendi jáne pedagogıkalyq qyzmettiń sáttilik atmosferasyn qurý joldary» atty taqyrypta Adılbekov Almaz Mýratbekovıch, Ábdirásil Saıan Jaqypuly jáne Janabaeva Madına Askarbekovnalar kásibı sheberlikterin kórsetti. Qazirgi tańda Sıfrly mádenıetke baılanysty túrli platformaǵa bir mezette tirkep, tapsyrmalar jasap, muǵalim AKT quzirettiliginde sabaq barysynda sheber kórsete bilý kerektigin odan ári basqa da tapsyrmalar oryndaýmen kelgen áriptesterdiń bilimin tolyqtyryp, aqparat bere aldy.
Semınardyń qorytyndy bóliminde “Keri baılanys kemeldendiredi” taqyrypta dırektordyń oqý – isi jónindegi orynbasary Smaılova Sábıra Ábdýmútáliqyzy sóz alyp: «Mektep muǵalimderi únemi izdenis ústinde, tek bul ǵana semınarlarmen shektelip qalmaı odan ári shyńdalyp jatyr, ár oqý jylynda mektep basshysynyń bekitýimen ár túrli josparlardy iske asyryp otyrmyz. Atap aıtsaq, yqsham sabaqtar, kiriktirilgen sabaqtar, Action research, sonymen qatar bıylǵy jyly Lesson study júrgizilip, oqýshylardyń bilim sapasyn kóterýge múmkindikter artyp otyr» dep, kelgen qonaqtardy semınardan alǵan áserlerimen bólise otyryp, keri baılanys jaıly aqparat berdi.
Mektep dırektory Tursyn Tanatov semınar aı saıyn jospar boıynsha jalǵasyn taýyp otyratyndyǵyn jáne bilim ordasyndaǵy basqa da bilim berýshiler ózderiniń túrli sabaq ótý tásilderi men sheberlikterimen bólisetinin jáne oqýshynyń sabaqqa degen qyzyǵýshylyǵyn arttyryp, odan ári yntalanýyna jol kórsetetin ár qıly jumystarmen tájirıbe almasatynyn aıtyp ótti.
Kelgen qonaqtar semınardan alǵan tamasha áserlerimen bólisip, óz rızashylyqtaryn bildirdi. Bul semınar aýdan kólemi boıynsha kelgen áriptesterdiń kózqarastarynan, jaqsy pikirlerinen joǵary deńgeıde ótkendigin baıqatady.