Bıyl qyzmettik ıtterdiń kómegimen Ulttyq ulannyń áskerı jasaqtary 3164 tapsyrmany oryndalǵan
Ulttyq ulannyń elorda irgesindegi 5573 áskerı bóliminde kınolog-mamandardyń arasynda qyzmettik ıtterdiń qatysýymen jeke-komandalyq birinshilik ótti, dep habarlaıdy Almaty-akshamy.kz Baq.kz agenttigine silteme jasap.
Jarysqa Ulttyq ulannyń ár óńirinen kelgen komandalar qatysty. 4 kúnge sozylǵan jarystyń jeńimpazdary saltanatty túrde marapattaldy.
Sońǵy ýaqytta qyzmettik ıtterdi qoǵamdyq tártipti jáne mańyzdy memlekettik nysandardy qorǵaýǵa paıdalaný kezeń-kezeńmen júzege asyrylýda. Jarylǵysh zattar men esirtkini izdeý qyzmeti damýda. Arnaıy maqsattaǵy bólimshelerde shabýyldaýshy ıtter keńinen qoldanylyp keledi.
2021 jyly qyzmettik ıtterdiń kómegimen Ulttyq ulannyń áskerı jasaqtarymen 3164 tapsyrma oryndaldy. Qyzmettik jaýyngerlik tapsyrmalardy oryndaýda saqqulaqtar 112 márte nátıjeli qoldanyldy. 9 ret qylmystyń betin ashsa, 80 quqyq buzýshyny qolǵa túsirdi.
Jarys barysynda Ulttyq ulannyń óńirlik qolbasshylyqtarynan kelgen kınologtar men qyzmettik ıtter ózderine júktelgen tapsyrmalardy tyńǵylyqty oryndap shyqty. Barlyǵy óz isteriniń sheberi ekenin taǵy bir márte dáleldep shyqty. Jeke birinshilikte jyldam izdeý boıynsha 5573 áskerı bóliminiń kınolog-mamany serjant Aıdyn Qadyrbekuly «Aldona» qyzmettik ıtimen jeńimpaz atansa, jarylǵysh zattardy izdestirý boıynsha 5573 áskerı bóliminiń kınolog-mamany efreıtor Kýanysh Seıdalıev «Akıra» qyzmettik ıtimen úzdik shyqty, al esirtki zattardy izdeý boıynsha birinshi orynǵa «Shyǵys» óńirlik qolbasshylyǵyna qarasty 5518 áskerı bóliminiń kınolog-mamany serjant Rýslan Raısov «Balý» qyzmettik ıtimen jaıǵasty.
Komandalyq esepte 5573 áskerı bóliminiń quramasy jeńimpaz atansa, ekinshi orynǵa «Shyǵys» óńirlik qolbasshylyǵy jaıǵasty, al úshinshi oryndy «Batys» óńirlik qolbasshylyǵynyń quramasy mise tutty. Jarystyń jabylý salanatynda jeńimpazdar men júldegerler Ulttyq ulan Bas qolbasshysynyń Kýbogy men gramotalarymen marapattaldy.
«Jarys óte tartysty ótti. Bul kınologtar men qyzmettik ıtterdiń dárejesi teń ekenin kórsetse kerek. Tájirıbe kórsetip otyrǵandaı, bul kúnderi qyzmettik ıtter jaýyngerlik qyzmet barysynda keńinen qoldanylady. Sońǵy kezderi bizdiń mamandar qyzmettik ıtterimen Arys pen Baızaq eldi mekeninde oryn alǵan tehnogendik sıpattaǵy TJ zardabyn joıýda jarylmaǵan zattar men joǵalǵan adamdardy izdestirýde tapsyrmalar oryndady», - dedi Ulttyq ulan Bas qolbasshylyǵy jaýyngerlik qyzmet bas basqarmasynyń bastyǵy polkovnık Iýrıı Malıskıı.