Ǵaryshkerler orbıtada alty aı bolyp, ashyq ǵaryshqa eki-úsh ret shyǵady
Qytaıdyń Shenchjoý-13» pılottyq kemesi «Tánhe» ǵarysh stansasynyń modýlimen túıisti, dep habarlaıdy Almaty-akshamy.kz QazAqparatqa silteme jasap.
«Shenchjoý-13» kemesi Qytaıdyń soltústiginde ornalasqan «Szúsúan» ǵarysh aılaǵynan jergilikti ýaqytpen saǵat 00:23-te ushyryldy. Kemeni orbıtaǵa shyǵarý úshin «Chanchjen-2-ef» zymyran tasyǵyshy qoldanylǵan. Senbi kúni jergilikti ýaqyt boıynsha saǵat 06:56-da bortynda ekıpajy bar qytaı ǵarysh kemesi «Tánhe» ǵarysh stansasynyń negizgi modýlimen túıisken.
Jaqyn arada úsh taıkonavt «Tánhe» stansasynyń negizgi modýline ótip, stansaǵa qyzmet etýge qosylady.
Eske sala ketsek, bul Qytaıdyń pılottyq ekinshi ǵarysh kemesi, ǵaryshkerler orbıtada alty aı bolyp, ashyq ǵaryshqa eki-úsh ret attanady.
Qyrkúıek aıynda orbıtaǵa kezekti mısıanyń ǵarysh stansasynda uzaq ýaqyt bolýyn qamtamasyz etýi úshin azyq-túlik jáne arnaıy jabdyqtar tıelgen júk kemesi jiberilgen.
Buǵan deıin «Shenchjoý-12» pılottyq ǵarysh mısıasy qyrkúıekte sátti aıaqtaldy.
«Tánhe» ǵarysh stansasy 2022 jyly jumys isteı bastamaq.