QR İİM Ulttyq ulannyń «Ońtústik» óńirlik qolbasshylyǵyna qarasty 3650 áskerı bólimi Almaty qalasy ortalyqtańdyrylǵan kitaphanalar júıesimen birlesip uly aǵartýshy, qazaq álipbıiniń negizin qalaýshy Ahmet Baıtursynulynyń qurmetine arnalǵan «Ultyn ulyqtaǵan uly tulǵa» atty tanymdyq saǵat ótkizdi.
Atalǵan is-shara Ahmet Baıtursynulynyń 152 jyldyǵyna oraı uıymdastyrylǵan «Tilge qurmet – elge qurmet!» aksıasy aıasynda uıymdastyryldy.
№ 26 kitaphana bólimshesiniń kitaphanashysy Svetlana Vladımırovna sarbazdarǵa aqynnyń ómiri men shyǵarmashylyǵy, ǵylymı eńbekteri jaıynda málimet berdi. Al qatardaǵy jaýyngerler T.Qalmuhanbet, Y.Qasymjan, D.Áýelhan aqynnyń óleńderinen úzindiler oqyp, qanatty sózderin aıtty. Sonymen qatar aksıa aıasynda sarbazdar Ahmet Baıtursynulynyń mýzeı-úıine baryp dáris tyńdady. Sarbazdar aldymen Ahmet Baıtursynulynyń saıabaǵyna soǵyp, ǵalymnyń eńseli eskertkishine taǵzym etti.
Mýzeı-úıdiń bólim meńgerýshisi Ádilet Ahmetuly men Manatjan Ashırov sarbazdarǵa tarıhı tulǵanyń jádigerlerin tanystyrdy. Óz kezeginde jas sarbazdar rýhanı mol azyq aldy.