Donesk jáne Lýgansk halyq respýblıkalaryndaǵy jaǵdaıdyń ýshyǵýyna baılanysty qazaqstandyqtardy Ýkraınadan evakýasıalaý joldary qarastyrylyp jatyr.
Bul týraly QR Syrtqy ister mınıstri Muhtar Tileýberdi aıtty, dep habarlaıdy Almaty-akshamy.kz
«Bizdiń Kıevtegi elshilik qazir tolyq jumys isteıdi. Bul Ýkraınadaǵy bizdiń azamattarymyzben baılanysty. Árıne, olardy evakýasıalaý joldary qarastyrylady. Sondyqtan qandaı da bir soǵys qımyldary bolǵan jaǵdaıda, Qazaqstan azamattary Kıevtegi elshiligimizben shuǵyl baılanysa alady», - dedi QR Syrtqy ister mınıstri.
Onyń aıtýynsha, qazirgi ýaqytta qazaqstandyq dıplomattar Ýkraınada ornalasqan.
«Ýkraınada bizdiń dıplomattar áli de bar. Soǵys jaǵdaıynda bizdiń vedomstvo evakýasıalaý josparlaryn júzege asyratyn bolady», - dep qosty Muhtar Tileýberdi.
Ol sondaı-aq Qazaqstanda Donesk jáne Lýgansk halyq respýblıkalaryn taný týraly másele kóterilmegenin habarlady. Qazaqstannyń túpkilikti ustanymy Qaýipsizdik keńesiniń otyrysynda qabyldanady.