Qarýdan bólek, onyń úıinen sıntetıkalyq esirtki tabyldy.
Úıinde mefedron men Makarov tapanshasyn jasyrǵan almatylyq jigit ustaldy, dep habarlaıdy Almaty-akshamy.kz Polisia.kz-ke silteme jasap.
Esirtki satýshysyn ustaý boıynsha arnaıy is-sharany esirtki qylmysyna qarsy kúres basqarmasynyń qyzmetkerleri polısıanyń arnaıy jasaqtarynyń kómegimen júrgizdi.
«Jedel izdeý is-sharalaryn júrgizý barysynda 26 jastaǵy G.esimdi azamat ustaldy. Onyń turǵylyqty jerinde ruqsat etilgen tintý kezinde, odan aq tústi untaq zaty bar eki polıetılen býma jáne tórt patrondary bar Makarov tapanshasy tabylyp, tárkilendi. Saraptama qorytyndysyna sáıkes, bul zat - “mefedron” sıntetıkalyq esirtkisi. Mamandardyń aıtýynsha, tárkilengen tapansha uńǵysyn aýystyrý arqyly oq atýǵa arnalǵan atys qarýy bolyp esepteledi. Qarý atýǵa jaramdy», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Atalǵan derek boıynsha qylmystyq is QR QK-niń 297-baby 1-bólimine sáıkes tergelip jatyr. Kúdikti ýaqytsha ustaý ızolátoryna qamaldy.