Búgin Qazaqstanda Úkimettiń keńeıtilgen otyrysy ótti. Otyrysty ashqan Memleket basshysy Qasym-Jomart Toqaev úkimet pen ákimderdiń jumysynyń tıimdiligi ekonomıkanyń damý kórsetkishteri men halyqtyń turmys sapasyna baılanysty ekenin atap ótti, dep habarlaıdy aqshamnews.kz
Prezıdent:
– «Úkimet pen ákimderdiń jumysy qanshalyqty tıimdi ekenin aldymen ekonomıkanyń damý kórsetkishteri men azamattardyń turmys sapasyna qaraı baǵalaımyz. Osy jumystyń nátıjesi byltyr qandaı boldy? Negizgi mindetter oryndaldy ma? Búgin osy suraqtarǵa toqtalamyz jáne jaqyn arada sheshimin tabýǵa tıis ózekti máselelerdi talqylaımyz», – dedi.
Kún tártibine sáıkes, jıynda eldiń áleýmettik-ekonomıkalyq damýy men ózekti máseleler boıynsha birqatar baıandamalar tyńdaldy. Baıandamashylar qatarynda:
Premer-Mınıstr Oljas Bektenov,
Premer-Mınıstrdiń orynbasary Serik Jumanǵarın,
Ulttyq bank tóraǵasy Tımýr Súleımenov,
«Samuryq-Qazyna» AQ basqarma tóraǵasy Nurlan Jaqypov,
Astana qalasynyń ákimi Jeńis Qasymbek,
Shymkent qalasynyń ákimi Ǵabıt Syzdyqbekov,
Qyzylorda oblysynyń ákimi Nurlybek Nálibaev boldy.
Otyrysta 2023 jyldyń negizgi áleýmettik-ekonomıkalyq kórsetkishteri qorytyndylanyp, eldiń damýyndaǵy mańyzdy máseleler men olardy sheshý joldary talqylanýda. Sonymen qatar, Prezıdent aldaǵy ýaqytqa arnalǵan basty mindetter men basymdyqtardy aıqyndaýǵa erekshe kóńil bóldi.