2021-2022 oqý jylynda Qazaqstannyń 7475 mektebinde 3,4 mln-nan astam adam, onyń ishinde 1 synypta 380 myńnan astam bala oqıtyn bolady.
QR Premer-Mınıstri Asqar Mamınniń tóraǵalyǵymen ótken Úkimet otyrysynda oqý jylynyń bastalýyna daıyndyq barysy qaraldy, dep habarlaıdy Almaty-akshamy.kz Rrimeminister.kz saıtyna silteme jasap.
Oqý dástúrli formatta júrgiziledi. Vaksına alǵan pedagogter jumysqa jiberiledi. Qazirgi ýaqytta vaksınalaýǵa jatatyn pedagogter men bilim berý mekemeleriniń basqa qyzmetkerleriniń 88,4%-y vaksına aldy. Úkimet basshysy oqýshylar men pedagogterdiń qaýipsizdigi men densaýlyǵyn saqtaýdy qamtamasyz etý boıynsha uıymdastyrýshylyq máselelerdi barynsha tezdetip sheshý qajettigin atap ótti. Bilim jáne ǵylym, densaýlyq saqtaý mınıstrlikterine, óńirlerdiń ákimdikterine jańa oqý jylynda mektepke deıingi jáne orta bilim berý uıymdarynda, sonymen qatar kolejder men joǵary oqý oryndarynda oqýdy shtattyq rejımde qamtamasyz etý tapsyryldy. Bul rette árbir mektepke dástúrli formatta oqý boıynsha naqty usynymdar jetkizilýi tıis.
Premer-Mınıstr osy jylǵy 25 tamyzǵa deıin medısınalyq qarsy kórsetilimderi bar adamdardan basqa, pedagogtar men tehpersonaldy vaksınalaýmen 100% qamtamasyz etýdi, osy jylǵy 20 tamyzǵa deıin mektepterdi sanıtarıalyq talaptarǵa sáıkes (kvarsteý, dezınfeksıa, maska rejımi, kúndelikti termometrıa jáne t.b.) qabyldaýdy aıaqtaýdy tapsyrdy. Barlyq bilim berý uıymdarynda pedagogter, qyzmetkerler men ata-analar úshin Ashyq júıesi engiziledi. Úkimet basshysy 25 tamyzǵa deıin, eń aldymen, kesteden keshigip otyrǵan Pavlodar jáne Túrkistan oblystarynda oqýlyqtardy mektepterge kestege sáıkes tolyǵymen jetkizýdi tapsyrdy.