Erjan Babaqumarov jeke medısınalyq uıymdardyń bas dárigerlerimen medısınalyq qyzmettiń sapasy men vaksınalaý qarqynyn talqylady, dep habarlaıdy almaty-akshamy.kz
Almaty qalasy ákiminiń orynbasary Erjan Babaqumarov qoǵamdyq densaýlyq basqarmasy basshysy N. Tabynbaevtyń, sanıtarlyq-epıdemıologıalyq baqylaý departamentiniń basshysy J. Bekshınniń, áleýmettik medısınalyq saqtandyrý qorynyń Almaty fılıalynyń basshysy T. Ábildaevtiń jáne jeke medısınalyq mekemelerdiń bas dárigerlerimen onlaın-formatta keńes ótkizdi.
Keńeste qala turǵyndaryna kórsetiletin medısınalyq qyzmettiń sapasy men jekemenshik medısınalyq uıymdarǵa bekitilgen turǵyndardy vaksınalaý qarqyny talqylandy.
Búginde Almatyda AMSK-tyń 35 jeke jetkizýshisi bar. Aǵymdaǵy jyldyń birinshi jartyjyldyǵynda júrgizilgen qyzmettiń taldaý nátıjeleri boıynsha, jeke medısınalyq-sanıtarlyq kómek kórsetetinderdiń jumysyna qatysty túsken shaǵymdar 3,5 esege artqan. ÁMSQ atap ótkendeı, jeke medısınalyq uıymdar, tirkelgen halyqtyń azdyǵyna qaramastan, shaǵymdardyń úlesi joǵary. Osyǵan baılanysty medısınalyq qyzmet kórsetý sapasynyń nasharlaýyn boldyrmaý jáne medısınalyq qyzmetterdi tutynýshylardyń shaǵymdarynyń negizdiligin rastaý úshin, materıaldar Densaýlyq saqtaý mınıstrligi Medısınalyq jáne farmasevtıkalyq baqylaý komıtetiniń Almaty qalasy boıynsha departamentine jiberiledi.
Qazirgi ýaqytta 22 jeke medısınalyq-sanıtarlyq kómek kórsetýshi óz óndiristik bazasynda vaksınalaýdy júrgizedi, qalǵandary egý bólmelerin ashý boıynsha jumystanýda. Vaksınalaýdyń oń kórsetkishteri Almaty temirjol aýrýhanasy, Open Medical Chanel JSHS, Kerýen-Medıkýs, “Arhımedes” JSHS jumysynda baıqaldy. «№55 emhanasy» JSHS, «Suńqar II emhanasy» JSHS, «Med Lab express» JSHS jáne basqalary vaksınasıa qarqynyn tezdetýi qajet. Aıta ketsek, «Assıstans Medı Servıs» JSHS keńse ashýdan bas tartý týraly habarlama jiberdi jáne ÁMSQ-pen kelisimdi buzdy, «AMITRÝD DARIGA» JSHS-de olardyń negizinde vaksınalaý kabınetin ashý boıynsha jumys jasamaıdy.
Ákimniń orynbasary Erjan Babaqumarov vaksınasıa qarqyny koronavırýstyq ınfeksıanyń taralý jyldamdyǵynan jáne juqtyrǵandar sanynyń ósýinen artta qalatynyn, bul qalanyń densaýlyq saqtaý júıesine jalpy júktemeni arttyratynyn atap ótti. Medısınalyq qyzmet kórsetýshilerdiń qoldanystaǵy quzyreti aıasynda sharttyq mindettemelerdi oryndaýyn baqylaý boıynsha birqatar naqty tapsyrmalar berildi.
«Búginde Almatyda vaksınalaý qarqynynyń deńgeıi - táýligine 8,5 myń. Sonymen qatar, ınfeksıanyń jańa jaǵdaılaryn tirkeý jalǵasýda. Emdeýge jatqyzý derekteri 700 jaǵdaıdan asady. Qala turǵyndarynyń ómiri men densaýlyǵynyń saqtalýyn qamtamasyz etý úshin COVID-19-ǵa qarsy vaksınalaýmen qamtýdy keńeıtý úshin birlese jumys jasaý qajet. Koronavırýstyń basqa respıratorlyq ınfeksıalarmen qabattasýyn boldyrmaý úshin ujymdyq ımýnıtetti qalyptastyrý, ásirese, JRVI jáne tumaý maýsymynyń aldynda mańyzdy», - dedi Erjan Babaqumarov.