Premer-mınıstr Oljas Bektenovtiń tóraǵalyǵymen ótken Úkimet otyrysynda elimizdiń salyq zańnamasyna jańa túzetýler usynyldy.
Premer-mınıstrdiń orynbasary – ulttyq ekonomıka mınıstri Serik Jumanǵarın QQS mólsherlemesin salalar boıynsha saralaýmen 12%-dan 16%-ǵa deıin ulǵaıtý, arnaýly salyq rejımderin reformalaý, QQS boıynsha mindetti tirkeý esebine qoıý úshin shekti 80 mln teńgeden 15 mln teńgege deıin tómendetý usynylyp otyrǵanyn aıtty. Sondaı-aq densaýlyq saqtaý salasy úshin 10% tómendetilgen mólsherleme usynylady, dep habarlaıdy aqshamnews.kz.
Aýyl sharýashylyǵy taýaryn óndirýshi zańdy tulǵalar búdjetke tóleýge tıisti QQS-nyń 30%-yn tóleıtin. Endi olar tólemeıtin bolady.
Búginnen bastap óńirlerdegi bıznes-qoǵamdastyqpen Úkimettiń bastamalaryn talqylaıtyn alty jumys tobynyń jumysy bastalady. Qazirgi ýaqytta toptar óńirlerge shyǵyp, jergilikti jerlerde bıznespen kezdesýler ótkizýde.
Jańa Salyq kodeksiniń jobasyna túzetýlerdi osy jyldyń 20 aqpanyna deıin Májiliske engizý josparlanýda.