Úkimet otyrysynda Mınıstrler kabıneti quramyna jańadan qosylǵan mınıstrler ant qabyldady, dep habarlaıdy Almaty-akshamy.kz QazAqparatqa silteme jasap.
«Qazaqstan Respýblıkasynyń Úkimeti týraly Konstıtýsıalyq zańǵa sáıkes, Úkimet quramyna alǵash kirgen adamdardyń ant qabyldaý rásimin bastaımyz», - dedi otyrysty ashqan Premer-Mınıstr Álıhan Smaıylov.
Osydan keıin QR Aqparat jáne qoǵamdyq damý mınıstri Asqar Omarov, Ádilet mınıstri Qanat Mýsın, Densaýlyq saqtaý mınıstri Ajar Ǵınıat, Indýstrıa jáne ınfraqurylymdyq damý mınıstri Qaıyrbek Óskenbaev, Energetıka mınıstri Bolat Aqsholaqov, Ulttyq ekonomıka mınıstri Álibek Qýantyrov ant qabyldady
Óz kezeginde jańa mınıstrler:
«Qazaqstan Respýblıkasynyń halqy men Prezıdenti aldynda óz Otanym - Qazaqstan Respýblıkasynyń ekonomıkalyq jáne rýhanı damý isine barlyq kúsh-jigerim men bilimimdi jumsaýǵa, memlekettiń Konstıtýsıasy men zańdaryn qatań saqtaýǵa, ózimniń is-áreketimde zańdylyq pen ádilettilik, azamattyq, ultaralyq jáne konfesıaaralyq tatýlyq prınsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge ant etemin» dep saltanatty túrde ant berdi.