Fransıa premer-mınıstri keńsesinen jiberilgen nusqaýlyqta úkimet sheneýnikterinen telefondaryndaǵy Telegram, WhatsApp jáne Signal habar almasý qoldanbalaryn óshirý suralǵan, dep jazdy Anadoly agenttigi Le Figaro basylymyna silteme jasap, dep habarlaıdy almaty-akshamy.kz.
Qupıa aqparattar aıtylatyn keńesterdiń «qaýipsizdigin kúsheıtýge» baǵyttalǵan nusqaýlyqta úkimet músheleri Olvid otandyq habar almasý qosymshasyn 8 jeltoqsannan keshiktirmeı ornatýy kerektigi aıtylǵan.
Qujatta Olvid qosymshasynyń aqparattyq qaýipsizdik jónindegi ulttyq agenttik (ANSSI) beretin «birinshi deńgeıli qaýipsizdik sertıfıkatyn alǵan jalǵyz qosymsha» ekeni aıtylǵan.
Olvid kompanıasyn 2019 jyly fransýz kıberqaýipsizdik sarapshylary jasap shyǵarǵan.