Azamattardy turǵylyqty jeri boıynsha tirkeý, abattandyrý erejeleri, qarý-jaraqty saqtaý erejeleri, ashylǵan múliktik qylmystar jáne t.b. buzýshylyqtardy anyqtaý – Almaty qalasynyń Naýryzbaı aýdanynda júrgizilgen bir kúndik reıdtiń nátıjesi.
“Quqyqtyq tártip” jedel aldyn alý is-sharasy aıasynda iri bazarǵa jaqyn ornalasqan jeke sektorǵa jergilikti reıdter júrgizildi, dep habarlaıdy Almaty-akshamy.kz Polisia.kz-ke silteme jasap.
Tek bir kósheniń ózinde tekserý barysynda birqatar zań buzýshylyqtar anyqtaldy: QR ÁQBtK-niń 492-baby (Azamattardy turǵylyqty jeri boıynsha tirkeý tártibin buzý) boıynsha 54 ákimshilik hattamalar toltyryldy. QR ÁQBtK-niń 505-baby (Abattandyrý erejelerin buzý) boıynsha 46 buzýshylyq anyqtaldy, onyń 6-y zańdy tulǵalarmen. Qoǵamdyq orynda alkogóldik ishimdik iship, mas kúıinde júrgen 23 adam ustaldy.
Kórsetilgen epızodtar boıynsha QR ÁQBtK-niń 440-babyna sáıkes hattamalar toltyryldy. Sondaı-aq qarýdy saqtaý jáne tirkeý boıynsha zań buzýshylyqtar anyqtaldy – QR ÁQBtK-niń 486 babyna (Azamattyq, qyzmettik, marapattyq, koleksıalyq qarýdy tirkeý (qaıta tirkeý) ne ony esepke qoıý tártibin buzý) sáıkes 3 adam jaýapkershilikke tartyldy.
«Bul is-shara eń aldymen, qoǵamdyq tártipti buzýdyń jolyn kesýge, qoǵamdyq oryndarda quqyq buzýshylyqtyń aldyn alýǵa, sondaı-aq múldem tózbeýshilik qaǵıdatyn nyǵaıtýǵa baǵyttalǵan. Osyndaı reıdter barlyq jerde júrgiziledi. Polıseılerdiń úılesimdi jumysy – azamattarymyzdyń tynyshtyǵynyń kepili», – dedi Naýryzbaı aýdandyq polısıa basqarmasynyń bastyǵy Dıdar Jaqypbaev.