Qujatty ázirleýshiler jobany Parlamentke osy jyldyń sońyna deıin engizýdi kózdep otyr.
Búgin Úkimet otyrysynda QR Ekologıa, geologıa jáne tabıǵı resýrstar mınıstri Serikqalı Brekeshev jańa Sý kodeksiniń negizgi baǵyttaryn atady, dep habarlaıdy Almaty-akshamy.kz QazAqparatqa silteme jasap.
«Jańa Sý kodeksin ázirleý maqsatynda mınıstrlik tarapynan retteýshilik saıasattyń konsýltatıvtik qujaty daıyndaldy. Ol boıynsha qoǵamdyq talqylaý bastaldy. Sarapshylardyń qatysýymen tıisti jumys toby quryldy. Sondaı-aq, jańa Sý kodeksiniń tujyrymdamasyn ázirleýge kiristik», - dedi Serikqalı Brekeshev.
Jańa Sý kodeksiniń negizgi baǵyttary mynadaı:
Birinshi. Eldiń sý-resýrstyq áleýetin saqtaý.
Ekinshi. Sý paıdalanýshylardy sý únemdeý tehnologıalaryn paıdalanýǵa yntalandyratyn tetikterdi aıqyndaý.
Úshinshi. Sý sharýashylyǵy ınfraqurylymyn damytýdy qoldaý úshin memlekettik-jeke menshik áriptestikti qoldanýdy yntalandyratyn tarıf belgileý modelin qurý.
Tórtinshi. Qazaqstannyń sý resýrstary áleýetin esepke alý jáne boljaý, monıtorıńteýdi sıfrlandyrý, sondaı-aq sý resýrstaryn basqarýdaǵy ǵylymnyń rólin arttyrý.
Besinshi. Ulttyq zańnamany halyqaralyq quqyq qaǵıdattarymen úılestirý.
«Jańa Sý kodeksiniń jobasyn Parlament Májilisine kelesi jyldyń jeltoqsan aıynda engizýdi josparlap otyrmyz», - dedi mınıstr.