Jahan jurty asyǵa kútken Beıjińdegi Olımpıada oıyndary da bel ortasynan aýyp, jabylý máresine de jaqyndap qaldy, dep habarlaıdy Almaty-akshamy.kz
Jalpy, Beıjiń Olımpıadasynda 109 medal jıyntyǵy sarapqa salynyp jatyr. Qazirge deıin sol 109 medal jıyntyǵynyń 72-si óz ıelerin taýyp úlgerdi. Endi 37 medal jıyntyǵy ǵana qaldy.
Ázirge eń kóp altyn medal Norvegıa quramasynyń enshisinde. Ol 9 altynmen jalpy medaldar kestesinde kósh bastap tur. Ary qaraı Germanıa 8 altyn, AQSH 7 altyn, Avstrıa, Qytaı Nıderlandy 6 altynnan alǵan. Shvesıa men Shveısarıa 5 altynnan, Reseı Olımpıada komıteti 4, Fransıa 3 altyn medal jeńip aldy.
Sondaı-aq, Italıa, Japonıa, Slovenıa quramalarynyń qorjyndarynda 2 altynnan bar.
Kanada, Ońtústik Koreıa, Avstralıa, Fınlandıa, Jańa Zelandıa, Vengrıa, Cheh Respýblıkasy jáne Slovakıa elderi bir-bir altyn medalǵa qol jetkizdi.