Importqa táýeldilikti azaıtý mindeti qarastyryldy
Aqtóbe oblysyna jumys sapary barysynda aýyl sharýashylyǵy qurylymdarynyń basshylarymen kezdesken Premer-Mınıstr agroónerkásiptik keshendi damytý máseleleri týraly pikir almasty, dep habarlaıdy Almaty-akshamy.kz Inform.kz-ke silteme jasap.
Premer-Mınıstr Hromtaý aýdanynda «AKMEZ» JSHS maı ekstraksıalyq zaýytynda boldy. Kásiporyn jylyna 21 myń tonna shıki ósimdik maıyn jáne 26 myń tonna kúnjara shyǵarady. Zaýyt ónimi ishki naryqta suranysqa ıe, sondaı-aq Qytaıǵa, Reseıge, Ózbekstanǵa jáne Tájikstanǵa jetkiziledi. Álıhan Smaıylov aýyl sharýashylyǵynda ınvestısıalyq jobalardy iske qosý - elimizdiń azyq-túlik qaýipsizdigin qamtamasyz etý jolyndaǵy basty mindet ekenin atap ótti. Búgingi tańda Úkimet sharýalardy keshendi túrde qoldaý sharalaryn iske asyryp otyr. Atap aıtqanda, ınvestısıalyq shyǵyndardy sýbsıdıalaý, sondaı-aq aınalym qarajatyn tolyqtyrýǵa arnalǵan kredıtter boıynsha paıyzdyq mólsherlemeler jáne qaıta óńdeýge arnalǵan jabdyqtar lızıńi qarastyrylǵan.
«Osyndaı qoldaýdyń jáne klımat erekshelikteriniń arqasynda Aqtóbe oblysynda mal sharýashylyǵy, onyń ishinde sút ónimderi óndirisi qarqyndy damyp keledi. Oblys turǵyndaryn jergilikti ónimmen qamtamasyz etý jáne ony basqa óńirlerge jetkizýdi uıymdastyrý maqsatynda atalǵan jumysty jalǵastyrǵan jón. Bul ımportqa táýeldilikti azaıtýǵa jáne ishki naryqtaǵy baǵany turaqtandyrýǵa jol ashady», - dedi Úkimet basshysy.
Kásiporynda Premer-Mınıstr birqatar aýyl sharýashylyǵy qurylymdarynyń basshylarymen kezdesip, agroónerkásiptik keshendi damytýdyń problemalyq máselelerine talqylady. Atap aıtqanda, fermerlerdi memlekettik qoldaý, sýbsıdıalaý, aýyl sharýashylyǵy maqsatyndaǵy jerlerdi bólý, mal sharýashylyǵyn damytý máseleleri qyzyqtyrdy.
«Osy jyldyń sońyna deıin biz sharýalarmen birqatar kezdesý ótkizip, sýbsıdıalaý júıesin reformalaý máselelerin talqylaımyz. Tıisti qujat bes jyl merzimge qabyldanady. Jalpy, Úkimet aýyl sharýashylyǵy salasyn qoldaý sharalaryn keńeıtip jatyr. Bıyl biz búdjetti eki ese arttyrý múmkindigin qarastyrdyq. Bul - azyq-túlik qaýipsizdigin qamtamasyz etý, ishki óndiristi qoldaý jáne ınflásıany tejeý máselelerine baılanysty», - dep atap ótti Álıhan Smaıylov.
Eske salsaq, QR Premer-Mınıstri Álıhan Smaıylov Aqtóbe oblysyna jumys sapary barysynda óńirdiń keshendi áleýmettik-ekonomıkalyq damýy jóninde keńes ótkizdi. Birqatar mańyzdy ınfraqurylymdyq jáne óndiristik nysandardy aralady. «Aqtóbe-Ulǵaısyn» avtojolyn qarjylandyrý tetikterin anyqtaýdy tapsyrdy.