QR Premer-Mınıstriniń orynbasary Eraly Toǵjanov Qaraǵandy oblysyna jasaǵan jumys sapary barysynda Halyqtyń tabysyn arttyrý baǵdarlamasy aıasynda kásipker – kóp balaly analarmen kezdesti, dep habarlaıdy Almaty-akshamy.kz Egemen.kz-ke silteme jasap.
Olar «Bastaý Bıznes» baǵdarlamasy boıynsha oqyp, grant alyp, óz isin ashqan. Jumystaryn úıden atqarady jáne olardyń qyzmetteri joǵary suranysqa ıe.
«Bizde oblysta 16 myń kóp balaly ana bar, Qaraǵandy boıynsha – 4700. «Shańyraq» ortalyǵy tegin zańgerlik jáne psıhologıalyq keńes beredi. Óz betinshe tabys tabýǵa úıretý úshin sheberlik sabaqtaryn ótkizemiz», dedi Qaraǵandy oblysy Qazaqstan halqy Assambleıasy Analar keńesiniń tóraıymy Lázzat Qojahmetova.
Kásipkerler óz ónimderin kórsetti, olardyń ishinde aspazdyq ónimder, ulttyq kıimder jáne t. b. boldy. Uıym belsendileri baǵdarlamany jetildirý boıynsha óz usynystaryn bildirdi. Eraly Toǵjanov atalǵan bastamalarǵa oń baǵa berdi.
«Biz búgin Qaraǵandy oblysyna Halyqtyń tabysyn arttyrý baǵdarlamasyn júzege asyrý aıasynda keldik. Óńirde jumys júrgizilip jatyr. Mańyzdy áleýet bar. Biz respýblıka kóleminde keńeıtýge turarlyq naqty mysaldardy kórdik. Bul ortalyq áleýmettik kómek kórsetip qana qoımaı, turaqty tabys tabýǵa múmkindik beredi. Mundaı bastamalardy damytyp, qoldaý qajet», dep atap ótti Vıse-premer.