Bul másele erekshe baqylaýda tur.
Qazaqstannyń Premer-Mınıstri Álıhan Smaıylov Energetıka mınıstrligine Qazaqstanda elektr energıasynyń tapshylyǵy týyndaýyna jol bermeýdi jáne zańsyz maınerlerge qatysty qatań shara qoldanýdy tapsyrdy, dep habarlaıdy Almaty-akshamy.kz Úkimettiń baspasóz qyzmetine silteme jasap.
Úkimette ótken Sý keńesiniń otyrysynda Qyrǵyzstanmen aradaǵy elektr energıasymen taýar aıyrbasy jáne Qazaqstannyń ońtústik óńirlerin sýmen qamtamasyz etý máseleleri qaraldy.
Qazaqstan men qyrǵyz taraptary elektr energıasynyń taýar aıyrbasy jáne sýmen jabdyqtaý boıynsha ózara tıimdi talaptar negizinde kelisimshart jasady.
«Qazaqstannyń ońtústik óńirlerin sýmen qamtamasyz etý máselesi basymdyqqa ıe. Halyqtyń áleýmettik tynyshtyǵy men aman-saýlyǵy Úkimettiń negizgi mindeti bolyp tabylady. Bul másele erekshe baqylaýda tur», - dedi Smaıylov.