Kún raıy kúrt ózgerdi, alys jolǵa shyǵýdan abaı bolyńyzdar!
«QazAvtoJol» ulttyq kompanıasy» aksıonerlik qoǵamynyń baspasóz qyzmeti kún raıynyń kúrt nasharlaýyna baılanysty elimizdiń birneshe aımaǵynda kóliktiń barlyq túrleri úshin qozǵalys shektelgenin málim etti, dep habarlaıdy Almaty-akshamy.kz
Aqmola oblysy:
11 naýryz saǵat 13.00-de «Jezqazǵan – Petropavl» avtojolynyń 377-440 shaqyrym aralyǵy.
Aqtóbe oblysy:
11 naýryz saǵat 11.00-de «Samara-SHymkent», 776-1240 shaqyrym aralyǵy. 11 naýryz saǵat 13.00-de «Qarabutaq-Komsomolskoe-Denısovka-Rýdnyı-Qostanaı» avtojolynyń júk jáne avtokóliktiń qoǵamdyq túrleri úshin 0-234 shaqyrymdar aralyǵy.
Qostanaı oblysy:
11 naýryz saǵat 13.00-de aýa raıynyń nasharlaýyna baılanysty (boran, kórinýdi shekteý) avtokólikterdiń barlyq túrleri úshin avtojoldyń myna bólikterindegi qozǵalysyna shekteý engizildi:
1. «Jezqazǵan-Petropavl» 252-377 shaqyrym aralyǵy.
2. «Qarabutaq-Komsomolskoe-Denısovka-Rýdnyı-Qostanaı» 234-262 shaqyrym aralyǵy.
Qyzylorda oblysy:
11 naýryz saǵat 11.00-de (elorda ýaqyty boıynsha) aýa raıynyń nasharlaýyna baılanysty «Samara-SHymkent» tas jolynyń 1240-1357 shaqyrymynda avtokóliktiń barlyq túrleri úshin qozǵalys shekteldi.
«Azamattardy aýa raıy boljamyn jiti baqylap, alys saparǵa shyqpaýǵa shaqyramyz. Shtattan tys jaǵdaı týyndasa, júrgizýshiler men jolaýshylar 1403 nómiri boıynsha QazAvtoJol UK AQ-nyń táýlik boıy jumys jasaıtyn call-ortalyǵyna habarlasýy qajet», - dep jazylǵan habarlamada.