Elimizde tuńǵysh ret halyq sanaǵy elektrondy túrde ótkizildi.
QR Premer-Mınıstri Asqar Mamınniń tóraǵalyǵymen ótken Úkimet otyrysynda ulttyq halyq sanaǵynyń aldyn ala qorytyndysy qaraldy, dep habarlaıdy Almaty-akshamy.kz Úkimettiń resmı saıtyna silteme jasap.
QR Strategıalyq josparlaý jáne reformalar agenttiginiń Ulttyq statısıka búrosynyń basshysy Nurbolat Aıdapkelov halyq sanaǵyn ótkizý jónindegi jumystyń aıaqtalǵany týraly baıandady. Halyqtyń 60%-ǵa jýyǵyna dástúrli sanaq júrgizildi. Elimizde tuńǵysh ret halyq sanaǵy elektrondy túrde ótkizildi. Halyqtyń 40%-dan astamy sanaqqa sanaq.gov.kz saıtynda elektrondyq sanaq paraqtaryn ózderi toltyrý arqyly qatysty.
Halyq sanaǵyna sanaq personalynyń 25 myńǵa jýyq adamy, sondaı-aq Ulttyq statısıka búrosynyń aýmaqtyq bólimsheleri men ortalyq apparatynyń qyzmetkerleri qatysty. Aldyn ala qorytyndysy barlyq tekserý aıaqtalǵannan keıin jeltoqsan aıynyń sońynda shyǵarylady. Úkimet basshysy kúrdeli epıdemıologıalyq jaǵdaılarda ótken ulttyq halyq sanaǵy meılinshe sapaly uıymdastyrylǵanyn atap ótti.
Premer-Mınıstr qazaqstandyqtarǵa osy mańyzdy naýqanǵa belsendi qatysqan úshin, sondaı-aq Ulttyq statısıka búrosynyń qyzmetkerleri men osy naýqanǵa jumyldyrylǵan azamattarǵa atqarǵan jumysy úshin alǵys bildirdi.