Bul týraly búgin ótken Úkimet otyrysynda QR Densaýlyq saqtaý mınıstri Alekseı Soı málimdedi.
Qazaqstan halyqty KVI-ge qarsy vaksınanyń 2 dozasymen qamtý kórsetkishi boıynsha 105-orynda, dep habarlaıdy Almaty-akshamy.kz
«Álemdik reıtıńke sáıkes, koronavırýs ınfeksıasyna qarsy vaksınasıa júrgizgen 205 eldiń ishinde Qazaqstan halyqty KVI-ge qarsy vaksınanyń 2 dozasymen qamtý kórsetkishi boıynsha 105-orynda tur jáne vaksınasıamen qamtý halyq sanynyń 41 paıyzǵa jýyǵyna jetti. TMD elderi ishinde Qazaqstan men Ázerbaıjan ǵana halyqty vaksınasıamen qamtýda 40 paıyzdan joǵary kórsetkishke qol jetkizip otyr», - dedi mınıstr. Onyń atap ótýinshe, elimizde halyqty koronavırýs ınfeksıasyna qarsy vaksınasıalaý jalǵasyp jatyr. «1-komponent 8,5 mln adam ekpe aldy. Ekpe alýǵa tıisti halyqty qamtý 74 paıyzdy nemese halyq sanynyń 44,8 paıyzyn quraıdy. 2-komponentpen shamamen 7,7 mln adam qamtyldy», - dedi Alekseı Soı.