Úkimet basshysy Densaýlyq saqtaý ınfraqurylymyn damytýdyń 2024-2030 jyldarǵa arnalǵan tujyrymdamasynda qarastyrylǵan jobalardy iske asyrý kezinde keshendi tásildi qamtamasyz etýdi tapsyrdy. Bul rette demografıalyq kórsetkishter, syrqattanýshylyq deńgeıi men ereksheligi eskerilýi tıis, dep habarlaıdy almaty-akshamy.kz
Jańa medısınalyq mekemelerdiń halyqaralyq sapa standarttaryna, atap aıtqanda Joint Commission International (JCI) sáıkestigine erekshe nazar aýdarý qajet. Qazirgi ýaqytta JCI halyqaralyq standartyna Qazaqstanda tek 9 medısına uıymy sáıkes keledi.
«Osy standarttar boıynsha akkredıttelý densaýlyq saqtaý sapasynyń “joǵary deńgeıin” kórsetedi. Barlyq densaýlyq saqtaý mekemeleri osyndaı deńgeıge umtylýy kerek. Sondyqtan negizgi obektilerdi jobalaý kezeńinen bastap JCI halyqaralyq standartynyń talaptary eskerilip kózdelýi tıis», — dedi Oljas Bektenov.
Premer-Mınıstr jalpy, densaýlyq saqtaýdyń jańa jáne rekonstrýksıalanatyn barlyq jobalaryna turaqty monıtorıń jasaýdy jolǵa qoıyp, onyń ishinde sıfrlandyrý arqyly iske asyrý qajet ekenin atap ótti.