Almaty men Shymkentte Arman Jumageldıevtyń uıymdasqan qylmystyq tobynyń múshesi bolǵan qańtar oqıǵasyna qatysýshylar ustaldy.
«7 aqpanda Almaty jáne Shymkent qalalarynyń aýmaǵynda İİM uıymdasqan qylmysqa qarsy kúres bólinisteriniń qyzmetkerleri uzaq ýaqyt boıy qylmystyq qýdalaý organdarynan jasyrynyp júrgen qańtar oqıǵasynyń eki qatysýshysyn ustady. Ustalǵandardyń biri Samat Ámirbaev 2022 jyly Shymkentte kisi óltirýge jáne sol qalanyń basqa turǵynyna qatysty ózinshe bılik etýge qatysy bar degen kúdikke ilingen. Ol Túrkistan oblysynyń aýmaǵynda ustaldy. Onyń kisi óltirý faktisi boıynsha sybaılastarynyń biri 16 jylǵa sottalyp, qazirgi ýaqytta bas bostandyǵynan aıyrý ornynda jazasyn ótep jatyr», - deıdi QR İİM uıymdasqan qylmysqa qarsy kúres departamentiniń basqarma bastyǵy Qýandyq Alpys.
Onyń aıtýynsha, uıymdasqan qylmystyq toptyń ekinshi múshesi Almaty áýejaıynda shekaralas eldiń aýmaǵynan kelgennen keıin ustalǵan.
Ustalǵan adamdar ýaqytsha ustaý ızolátoryna qamaldy.