Oqý-aǵartý mınıstrliginiń ókilderi árbir jetim balanyń otbasynda ómir súrý quqyǵyn qamtamasyz etýdiń qanshalyqty mańyzdy ekenin atap ótti.
Bul týraly olar Ortalyq komýnıkasıalar qyzmetinde ótken dóńgelek ústelde aıtty, dep habarlaıdy Almaty-akshamy.kz Oqý-aǵartý mınıstrligine silteme jasap.
Búginde jetim balalardyń 80%-y qazaqstandyq otbasylardyń qamqorlyǵyna berilgen. Jyl saıyn Qazaqstan azamattary óz otbasylaryna 1000-nan astam jetim balalardy qabyldap keledi.
«Biz balalar úılerin ınstıtýsıonalsyzdandyrýdy jalǵastyryp kelemiz jáne 3 jyl ishinde olardyń sany 21 uıymǵa azaıdy. Memleket basshysynyń tapsyrmasyna sáıkes balalardy otbasylarǵa ornalastyrýdyń jańa tásilderin ázirleý, sondaı-aq ınternat uıymdary tárbıelenýshileriniń sanyn qysqartý boıynsha jumystar júrgizilýde», - dep atap ótti QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Sondaı-aq, ótken jyly 700-den astam jetim bala baspanaly bolǵanyn aıta ketý kerek, bul olardyń negizgi quqyqtary jáne tolyqqandy damýy úshin jaǵdaı týdyrýdaǵy taǵy bir mańyzdy qadam boldy.