Qala balalalarynyń eń súıikti mekeni taý eteginde ornalasqan Oqýshylar saraıy. Talaı ýaqyttyń kýási bolǵan mekemeniń qabyrǵasy syrǵa tunyp tur. Bir kezderi memlekettiń basshysy bolǵan Dımash Ahmetuly osynaý alyp ǵımaratty turǵyzý úshin kóp eńbek sińirgeni aıtylyp ta, jazylyp ta júr. Uzaq jyldar respýblıka balalarynyń bas qosatyn ordasynyń qala menshigine ótkenine de biraz ýaqyt boldy. Sodan beri qala mektepteriniń oqýshylary osynda kelip, túrli úıirmelerge qatysady.
Máselen, «Happy English» sabaǵynda oqýshylar tek til úırenip qana koımaı, sonymen qatar oqý prosesine de qyzyǵýshylyqpen qatysady. Balalar gramatıka men jana sózder úırene otyryp, ınteraktıvti tapsyrmalar arqyly aǵylshyn tildi elderdin tarıhymen, mádenıetimen tanysady. Olardyń únemi «Bizben birge oqý paıdaly ǵana emes, ári qyzyqty bolady!» dep aıtýy da sondyqtan. Osy úıirmeniń turaqty qatysýshysy Anar Jumanıazova qazir aǵylshyn tilin erkin meńgerip alǵan. Ol óz oıyn erkin jetkizip, áńgimelese alady. Shet tilinde kitaptar oqyp, kıno kórip júr. Ol jaqynda ózge zamandastaryna «bilimalmaty.kz saıtyndagy "Happy English» bagdarlamasyna kosylynyz! dep tilek qaldyrǵan.
Oqýshylar saraıynyń «Aq kıiz» dep atalatyn kıiz atelesiniń de jumysy qyzyqty. Máselen, kıizden jasalǵan buıymdar 50 jyldan astam qyzmet etedi eken. Eger siz «Aq kıiz» kórkem kıiz atelesinde kıiz basýdyń san túrli ádisterin meńgerip alsańyz, oıynshyqtar men zergerlik buıymdardan bastap, sándik elementterge deıingi biregeı qolónerdi ózińiz-aq jasaı alasyz. Buǵan qosa, mundaǵy sabaqtar shyǵarmashylyq oılaýdy, usaq motorıkany jáne kórkemdik qabyldaýdy damytady. Qazirden bastap, balańyzdy «Bilimalmaty.kz» saıtyna tirkeseńiz bolady.