2024 jyldyń 26 qyrkúıeginde Almatyda kezekti Biryńǵaı esep berý kúni uıymdastyrylady. Shara barysynda qalalyq baqylaý-qadaǵalaý organdary 2024 jyldyń 1 qańtary men 1 tamyzy aralyǵynda atqarǵan jumystary jaıly málimet beredi, dep habarlaıdy aqshamnews.kz
Biryńǵaı esep berý kúniniń maqsaty – baqylaý jáne qadaǵalaý qyzmetin reformalaý aıasynda atqarylatyn sharalardy túsindirý, kásipkerlerdiń quqyqtyq saýattylyǵyn arttyrý, sondaı-aq qaýipsiz jáne zańdy qyzmetti uıymdastyrý máselelerin talqylaý.
İs-sharaǵa kásipkerlik sýbektileri, óńirlik kásipkerler palatasynyń ókilderi, baqylaý jáne qadaǵalaý organdary, memlekettik qyzmet jáne sybaılas jemqorlyqqa qarsy is-qımyl jónindegi ýákiletti organdar men qala prokýratýrasynyń mamandary qatysady.
Sharaǵa qatysý úshin tómendegi nómirge habarlasýyńyzdy suraımyz: 390-21-09. İs-shara 26 qyrkúıek kúni saǵat 15:00-de bastalady. Ótetin orny: Dostyq úıi, Qurmanǵazy kóshesi, 40.