Estimegen elde kóp.
Qytaıda erekshe mamandyq ıelerine suranys artqan, dep habarlaıdy aqshamnews.kz.
Olar - slıpmeıkerler. Iaǵnı, aǵylshyn tilinen tikeleı aýdarǵanda "uıqy jasaýshylar", ıaǵnı uıyqtatýshylar.
Mundaı biregeı mamandyq ómir súrý qunynyń artýyna jáne ózge de áleýmettik-ekonomıkalyq faktorlarǵa baılanysty kúlli álemdi jaılaǵan uıqysyzdyq indetinen keıin paıda bolǵan.
Slıpmeıkerler uıqysy qashqan adamdardy janǵa jaıly áńgimelerimen uıyqtaýǵa kómektesedi.
Aıryqsha mamandyq ıeleri negizinen qarbalas ári qym-qýyt tirlikten, kúızelisten jáne basqa da ómirlik qıyndyqtardyń saldarynan uıqysyzdyqqa ushyraǵan jastarǵa qyzmet kórsetedi. Tájirıbeli maman saǵatyna 260 ıýanǵa (qytaıdyń tól aqshasy) deıin tabys taba alatyny habarlandy. Sonymen qatar, olar onlaın jáne oflaın rejıminde jumys isteı alady. Seans klıent uıqyǵa ketkende aıaqtalady.