Almaty oblysynyń polıseıleri ınternet-alaıaqtyqtyń aldyn alýǵa jáne azaıtý maqsatynda barlyq qajetti is-sharalardy júrgizýde.
Jyl basynan beri 32 alaıaq ustaldy, dep habarlaıdy aqshamnews.kz Polisia.kz-ke silteme jasap.
– Jyl basynan beri oblysta 747 ınternet-alaıaqtyq faktisi tirkeldi. Qazir zardap shekkenderge 16 mıllıon teńgege jýyq ótemaqy tólendi. Árıne, bul shamaly soma, biraq quqyq qorǵaý organdary halyq arasynda aýqymdy profılaktıkalyq jumysty jalǵastyrýda. Jyl basynan beri ınternet-alaıaqtyq jasaǵany úshin polısıa qyzmetkerlerimen 32 adam ustaldy, – dep atap ótti oblystyq krımınaldyq polısıa basqarmasynyń orynbasary Nurjan Keńesqanuly.
Kıberqylmyspen kúresý maqsatynda oblys polıseıleri turaqty túrde úgit-nasıhat jáne profılaktıkalyq is-sharalar ótkizip, turǵyndarǵa ınternet alaıaqtarynyń qurbany bolmaý joldary túsindirilýde. Tek jyl basynan beri tártip saqshylary oblys turǵyndary arasynda 37 shara ótkizip, 15 myńnan astam kitapshalar men taqyryptyq býkletter taratty. Qoǵamdyq oryndarda 15 bılbord pen 13 LED ekran ornatylǵan. Sonymen qatar, barlyq jerde dybys zoraıtqysh qurylǵylar arqyly saqtyq sharalary týraly mátinder taratylady. Kezdesý barysynda elimizdiń jetekshi bankteriniń ókilderimen jumys kezdesýi bastalyp, ınternet-alaıaqtyqpen kúresý máseleleri talqylandy.
– Bul turǵyda kóp nárse azamattardyń ózine baılanysty, barlyǵyn qyraǵylyq tanytyp, alaıaqtardyń aıla-amalyna túspeýlerin suraımyz. Banktik shottaryńyzǵa qatysty qylmystyq áreketter týraly habardar bolsańyz, emosıaǵa berilmeńiz, banktiń resmı telefon nómirine qońyraý shalý arqyly aqparatty tekserip, fılıalǵa jeke kelińiz. Sizge polısıa qyzmetkerlerinen, sot oryndaýshylarynan nemese basqa laýazymdy tulǵalardan sizge qoıylǵan shekteýler týraly nemese jazataıym oqıǵaǵa sizdiń týystaryńyz kináli degen habarlama kelip túsken jaǵdaıda, joǵaryda aıtylǵan isterdi oryndańyz. Resmı arnalar arqyly sizden aqsha tóleýge nemese qandaı da bir qarjylyq operasıalardy júzege asyrýǵa qajetti aqparatty tekserýdi umytpańyz. Bul kúmándi sheshýdiń jáne alaıaqtardyń jelisinen aýlaq bolýdyń eń senimdi joly, – dep qosty N.Keńesqanuly.