Janyńda júr jaqsy adam
Jaqynda Astanada turǵyn úı keshenindegi páterlerdiń birinde órt shyqqanyn esińizde me?
Órt ishinde 15 jastaǵy qyz qalyp qoıǵan edi, oǵan batyl jigit kómekke keldi. Ol balkonnan órtenip jatqan páterge kirip, jylap turǵan jasóspirimdi taýyp, ony órt sóndirýshilerge tapsyryp, alǵys kútip turmaı, óz sharýasymen kete bardy.
Araǵa ýaqyt salyp belgisiz batyr tabyldy. Onyń esimi Altynbek Altaev eken. Bıyl jeltoqsanda 40 jasqa tolady, osy keshenniń № 4 podezinde turady jáne taksıst bolyp jumys isteıdi. Altynbek kómekke shaqyrǵan jáne aıǵaılaǵan daýystardy estip, tútindi kórip, birden áreket etken. Keı-keıde aramyzda júrgen osyndaı el arasynda kórinbeı júrgen "batyrlardy" baıqamaı qalamyz. Eńbegin elemeı jatamyz. Endeshe erligin buldamaıtyn, jaqsylyq jasaýǵa jany qumar Altynbekteı jandar kóp bolsyn!