Sońǵy bes jylda megapolıste týberkýlezben syrqattaný kórsetkishi 34%-dan astamǵa tómendedi. Bul týraly Almaty óńirlik komýnıkasıalar qyzmetiniń baspasóz konferensıasy barysynda qalalyq qoǵamdyq densaýlyq basqarmasynyń ftızıopýlmonologıa ortalyǵynyń dırektory Janar Sápıeva málimdedi, dep habarlaıdy Almaty-akshamy.kz
Spıkerdiń aıtýynsha, qalada syrqattanýshylyqtyń tómendeý dınamıkasy baıqalady, al negizgi kórsetkishter ortasha respýblıkalyq kórsetkishterden tómen. Eger 2017 jyly 100 myń turǵynǵa shaqqanda aýrýdyń 35-ten sál artyq jaǵdaıy tirkelse, 2021 jyly bul kórsetkish 23-ke jetti. Sonymen qatar, sońǵy 5 jylda ólim kórsetkishi 63,8%-ǵa tómendedi.
Ftızıopýlmonologıa ortalyǵynda taldaý júrgizildi, ol aýrýdyń tómendeýiniń negizgi sebebi pandemıamen baılanysty shekteýler kezeńinde qalanyń irgeles aımaqtarynan kelgen ishki mıgranttar arasynda týberkýlez jaǵdaılaryn anyqtaýdyń kúrt tómendeýi ekenin kórsetti. Máselen, eger 2019 jyly ishki mıgranttar arasynda anyqtalǵan týberkýlez oqıǵalarynyń sany 168 adamdy qurasa, 2020 jyly – 58 jaǵdaı, 2,5 ese azaıdy. Janar Sápıeva Almatyda jyl saıyn ambýlatorıalyq emdeýmen qamtýdyń ulǵaıyp kele jatqanyn aıtty.
«Kún saıyn 8 mobıldi top múmkindigi shekteýli, egde jastaǵy jáne jas balalary bar áıelder arasynda úıde baqylanatyn em júrgizý úshin jeke avtokólikpen shyǵady», - dep habarlady ortalyq dırektory.
J. Sápıeva barlyq naýqastar emdeý kýrsy aıaqtalǵanǵa deıin jergilikti atqarýshy organdardyń qoldaýynyń arqasynda 35 myń teńge kóleminde járdemaqy alatynyn aıtty. Bıyl áleýmettik kómek kólemi 6,6%-ǵa ósti, qazirgi ýaqytta 830 pasıent kómek alýda.
Almaty qalasynda týberkýlezben kúres aılyǵy týraly aıta kele, Janar Sápıeva 40-tan astam medısınalyq mekemede ashyq esik kúnderi uıymdastyrylatynyn habarlady.