25 maýsymnan bastap tirkelmegen smartfondar óshirile bastaıdy, dep habarlaıdy aqshamnews.kz
24 naýryzdan bastap Qazaqstanda smartfondardy tirkeýdiń jańa erejeleri kúshine endi. Memleket telefon satýshylaryna taýarlaryn zańdastyrý úshin bir aı ýaqyt berse, endi dál osyndaı merzim qurylǵy ıelerine de beriledi. Jańa ereje arqyly memleket kóleńkeli naryqpen kúreske azamattardy da tartýdy kózdep otyr. Sebebi keden qyzmeti kontrabandamen kúreste tıimdi nátıje kórsetpeı keledi.
– Sarapshylardyń baǵalaýynsha, elimizde satylyp jatqan smartfondardyń shamamen 75 paıyzy – «kóleńkeli» taýarlar. Bul qurylǵylar Qazaqstan aýmaǵyna zańsyz ákelinip, tirkeýsiz qoldanylýda. Sonyń kesirinen búdjet jyl saıyn 70-80 mıllıard teńge salyqtan qaǵylyp otyr, – dedi OKQ-de ótken brıfıńte sıfrlyq damý mınıstrliginiń telekomýnıkasıalar komıtetiniń tóraǵasy Damır Seısembekov.
Máseleni sheshý úshin smartfondardy tekserýge arnalǵan biryńǵaı sıfrlyq ınfraqurylym qurylǵan.
Buǵan deıin sıfrlyq damý, ınovasıalar jáne aeroǵarysh ónerkásibi mınıstrligi Qazaqstanda uıaly telefondarǵa IMEI-kod tirkeý ne úshin engizilgenin jáne jańa telefondardyń ımporttaıtyndardan tólem ne úshin alynatynyn túsindirgen bolatyn.