Ol janýardyń terisiniń astyndaǵy chıpte ornalasady.
Aýyl sharýashylyǵy mınıstri Erbol Qarashókeev úı janýarlarynyń jeke sáıkestendirý nómirine qatysty túsinik berdi, dep habarlaıdy Almaty-akshamy.kz
«Biz sondaı-aq jeke sektordaǵy veterınarıalyq praktıkany damytý úshin adamdardyń densaýlyǵyna qaýip tóndirmeıtin aýrýlardyń 5 túri boıynsha kúresý men aldyn alý jumystaryn básekelestik ortaǵa berip, salany keńeıtpekpiz», - dedi E. Qarashókeev Ortalyq komýnıkasıalar qyzmetinde.
Onyń aıtýynsha, veterınarıa salasyn sıfrlandyrýǵa erekshe mańyz beriledi.
«Qazirgi ýaqytta biz jańa baǵdarlamalyq ónimniń alǵashqy jumystyq nusqasyn ázirleýdi aıaqtap jatyrmyz. Bul jergilikti jerden aqparat qalyptastyrý, ony Janýarlar týraly ortalyq derekqorǵa berý prosesterin tolyǵymen avtomattandyrýǵa jáne osy prosesterdiń barlyǵyna adamı faktor áserin boldyrmaýǵa múmkindik beredi. Veterınarıalyq mamanda osy baǵdarlamanyń mobıldi qosymshasy bolady, ol ony qaǵazbastylyqtan bosatady. Janýarda adamnyń jeke sáıkestendirý nómiri sıaqty bir ǵana sáıkestendirý nómiri bolady dep boljanýda. Ol janýardyń ómirlik sıkliniń búkil kezeńinde teri astyndaǵy chıpte ornalasady. Kelesi jyly atalǵan baǵdarlamany bir aýdannyń bazasynda testilik rejımde synaqtan ótkizip, tolyq pysyqtalǵannan keıin 2023 jyldan bastap respýblıka boıynsha kezeń-kezeńimen engizýdi josparlap otyrmyz», - dedi mınıstr.