Nur Otan partıasynyń Almaty qalalyq fılıalynyń tóraǵasy, megapolıs ákimi Baqytjan Saǵyntaev Qazaqstan Táýelsizdiginiń 30 jyldyǵy aıasynda ashylǵan partıanyń aýdandyq fılıaldarynyń jańa ǵımarattarynda boldy.
Áýezov aýdanyndaǵy partıa fılıaly Shalápın kóshesindegi jańa ǵımaratta ornalasqan, dep habarlaıdy Almaty-akshamy.kz
Almaty ákimi Baqytjan Saǵyntaev fılıaldyń keń bólmelerin aralap shyqty. Munda májilis zaly jáne jumys kabınetteri ornalasqan.
Taǵy bir fılıal Naýryzbaı aýdanynyń ákimshilik ortalyǵynda ashyldy. Jaqyn mańda demalys saıabaǵy bar, mektepter men turǵyn úı keshenderi salynýda. Ǵımaratta jumys isteý jáne qalalyqtardy qabyldaý úshin barlyq jaǵdaılar jasalǵan.
Partıanyń Almaty qalalyq fılıaly bastaýysh partıa uıymdarynyń sany boıynsha el óńirleri arasynda kóshbasshy bolyp tabylady. Sonymen qatar, Nur Otan partıasynyń qalalyq fılıalyna ótip bara jatqan jyly ǵana azamattardyń barlyq sanattarynan 8000-nan astam ótinish kelip tústi, olardyń 70%-y oń sheshimin tapty.
Eske salsaq, búginde Nur Otan partıasy Almaty qalasynyń barlyq segiz aýdanynda usynylǵan jáne 60 myńǵa jýyq partıa múshesi bar.