Úı janýarlaryn chıpteý quny ár óńirde ártúrli bolady. Bul týraly Orman sharýashylyǵy jáne janýarlar dúnıesi komıtetiniń bas sarapshysy Talǵat Erdeshev aıtty, dep habarlaıdy dep habarlaıdy Almaty-akshamy.kz. QazAqparat silteme jasap
«Qańǵys ıtter men mysyqtarǵa chıp taǵý jergilikti atqarýshy organnyń quzretinde bolady. Ieleri bar janýarlarǵa egesi óz qarajaty esebinen chıp taǵady. Halyqtyń áleýmettik osal toptaryndaǵy azamattardyń úı janýarlary búdjet qarajaty esebinen esepke alynady. Bul toptaǵy azamattardyń úı janýarlaryn chıpteýge óńir búdjetinen qarajat bólinedi. Ár óńirde chıpteý quny ártúrli bolady. Al aqyly chıpteý qunyn jergilik atqarýshy organdar ózderiniń shyǵyndaryna qaraı derbes belgileıdi. Naqty belgilengen baǵa joq», - dedi komıtettiń bas sarapshysy elordada ótken brıfıń barysynda.
Onyń atap ótýinshe, elimiz boıynsha naqty qansha ıt pen mysyqtyń tirkeýge alynatyndyǵy jaıly statısıkalyq derek joq.
«Biraq, jergilikti atqarýshy organdar ár toqsannyń 30 kúni bizge esepke qoıylǵan ıt pen mysyqtyń sanyn berip otyrady. Bul zańda jazylǵan», - dedi Talǵat Erdeshev.