Tájikstan azamattary altyn buıymdar men uıaly telefon tonady degen kúdikke ilindi. Úsh er adam jas kelinshektiń páterine kirip, múlkin tartyp alǵan, dep habarlaıdy Almaty-akshamy.kz. zakon.kz silteme jasap.
Jetisý aýdandyq polısıa basqarmasynyń bastyǵy Jánibek Shynasylovnyń aıtýynsha, urlanǵan zattar tárkilenip, zattaı aıǵaq retinde is materıaldaryna tirkelgen.
-Jábirlenýshi úıde bolǵan. Tańerteńgi saǵat 10:00 shamasynda betperde men bas kıim jáne qara sporttyq kıim kıgen úsh jigit páterdiń ashyq turǵan esigine kirip kelgen. Olar kúsh qoldanamyz dep qorqytyp, altyn buıymdar men IPhone 11 markaly telefonyn tartyp alǵan. Aıtpaqshy, qyz shabýyl jasaýshylardyń birinen anasynyń tanysyn tanyǵan. Jedel-izdestirý sharalary barysynda kúdiktiler ustaldy. Olar 28, 27 jáne 31 jastaǵy Tájikstan azamattary. Sondaı-aq kúdiktiler qylmys ornyna Lada Priora kóligimen kelgeni anyqtaldy. Urlanǵan zattar tárkilenip, zattaı aıǵaq retinde is materıaldaryna tirkeldi. Ustalǵandar qamaýǵa alyndy, – dedi Jetisý aýdandyq polısıa basqarmasynyń bastyǵy Jánibek Shynasylov.
Tergeý qaraqshylyq shabýylǵa basqa kúdiktilerdiń de qatysy baryn joqqa shyǵarmaıdy. Olardyń jeke basy anyqtalyp jatyr.
Qamaýǵa alý sharalary júrgizilip jatyr. Qazaqstan Respýblıkasy Qylmystyq-prosestik kodeksiniń 201-babyna sáıkes tergeý múddesin kózdeıtin ózge de málimetter taratýǵa jatpaıdy.
QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.