Úı janýarlaryn esepke alý erejeleri 2023 jyldyń 1 qyrkúıeginen bastap kúshine enedi. Onyń negizinde ıtter men mysyqtardy mindetti esepke alý kózdelgen, dep habarlaıdy Almaty-akshamy.kz Zakon.kz-ke silteme jasap.
Úı janýarlaryn esepke alýǵa qatysty Ekologıa jáne tabıǵı resýrstar mınıstrligi aqparat berdi.
«Zańnyń 11-babynyń 2-tarmaǵyna sáıkes úı janýarlaryn esepke alýdy jergilikti atqarýshy organdar (JAO) qurǵan memlekettik veterınarıalyq uıymdar, veterınarıa salasynda emdeý-profılaktıkalyq kásipkerlik qyzmetti júzege asyratyn jeke nemese memlekettik emes zańdy tulǵalar júzege asyrady. Bul rette jergilikti atqarýshy organ memlekettik satyp alý týraly zańnamaǵa sáıkes janýarlardy esepke alý jónindegi aqparattyq júıeni derbes aıqyndaıdy. Sondyqtan derekter bazasynyń fýnksıonalyn pysyqtaý máseleleri boıynsha azamattar jergilikti ákimdikke júginýge quqyly», - dep jazylǵan.Ekologıa jáne tabıǵı resýrstar mınıstrliginiń habarlamasynda.
Sonymen qatar zańnamaǵa sáıkes janýardyń ıesi nemese oǵan jaýapty tulǵa esepke alý buıymyn (quralyn) derbes aıqyndaıdy, bul rette úı janýarlaryn esepke alý buıymdaryna (quraldaryna) bolúster, chıpter jáne basqa da buıymdar (quraldar) jatady.
Esepke alý normalaryn buzǵany úshin «Ákimshilik quqyq buzýshylyq týraly» QR Kodeksiniń 407-2-babynda tıisti aıyppul kózdelgen.