Almaty qalasynyń irgesinde ornalasqan Tuzdybastaý aýylynda gaz balony jarylyp, anasy men uly aýrýhanaǵa tústi, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
«2 tamyz saǵat 18:07-de Almaty oblysy Tótenshe jaǵdaılar departamentine aldyn ala málimet boıynsha Talǵar aýdanynyń Tuzdybastaý aýylynda Dostyq kóshesindegi jeke turǵyn úıde tutanýsyz gaz-aýa qospasynyń tarsyly bolǵany týraly habarlama tústi.
Oqıǵa ornyna dereý Almaty oblysy TJD qyzmetkerleri jiberildi.
Osy úıden 2 adam: 1981 jyly týǵan áıel (3 dárejeli kúıik, jaǵdaıy aýyr) jáne 2001 jyly týǵan uly (2 dárejeli kúıik, jaǵdaıy aýyrlyǵy ortasha dárejede) oblystyq aýrýhanaǵa jatqyzyldy.
Oqıǵanyń mán-jaıy men sebebi anyqtalyp jatyr», - delingen habarlamada.